ఫేడ్‌ ఔట్‌ అయిన ప్రభాస్‌ హీరోయిన్ కు పెద్ద కోరిక

తెలుగు ప్రేక్షకులకు ప్రభాస్ బుజ్జిగాడు సినిమాలో సెకండ్‌ హీరోయిన్‌ గా కనిపించడంతో పాటు మరి కొన్ని సినిమాల్లో కూడా మెరిసిన సంజనా గర్లానీ ఈమద్య కాలంలో పూర్తిగా కనుమరుగయ్యింది. ఆమె గురించి మాట్లాడుకోవడం కూడా మానేసిన సమయంలో అనూహ్యంగా ఒక వివాదాస్పద విషయంతో మీడియాలో నిలిచి మళ్లీ ఆమె గురించి జనాలు మాట్లాడుకునేలా చేసింది. ఈ సమయంలో ఈమెకు మణిశంకర్‌ అనే బహుబాష చిత్రంలో నటిస్తోంది. జి వెంకట కృష్ణన్‌ దర్శకత్వంలో ఆ సినిమా రూపొందుతోంది.

ఆ సినిమా వివరాలను వెళ్లడించడంతో పాటు తన కెరీర్‌ ప్లాన్స్ గురించి ఇటీవల ఒక ఇంగ్లీష్‌ మీడియా సంస్థతో ఈ బుజ్జిగాడి బ్యూటీ మాట్లాడింది. ఆ సమయంలోనే ఈమె చేసిన వ్యాఖ్యలు అందరి దృష్టిని ఆకర్షిస్తున్నాయి. సంజన మాట్లాడుతూ.. తాను ఏ పాత్ర పడితే ఆ పాత్ర చేయను. కథ చుట్టు తాను చేసిన పాత్ర చుట్టు తిరుగుతూ ఉండాలి. కథలో చాలా ప్రాముఖ్యత ను కలిగి ఉండాలి. అలాంటి పాత్రలకు మరియు సినిమాలకు మాత్రమే తాను ఓకే చెప్తానంటూ చెప్పుకొచ్చింది.

అసలే అవకాశాలు లేని ఈ ముదురు ఫేడ్‌ ఔట్‌ హీరోయిన్ ఇలాంటి సమయంలో వచ్చిన ఆఫర్లను సద్వినియోగం చేసుకుని మళ్లీ బిజీ అవ్వాల్సింది పోయి ఇప్పుడు అలాంటి పాత్రలు.. ఇలాంటి సినిమాలు అంటూ మడి కట్టుకు కూర్చుంటే మాత్రం కష్టం అంటూ నెటిజన్స్ కామెంట్స్ చేస్తున్నారు. ఇక తాజాగా ఈమె తన సోషల్‌ మీడియా ద్వారా షేర్‌ చేసిన ఈ పిక్‌ లో మరీ డీ గ్లామర్ గా కనిపించింది. ఏ దండుపాళ్యం బ్యాచో లేదా మీర్జాపూర్‌ బ్యాచో అన్నట్లుగా ఉందంటూ కూడా జనాలు ట్రోల్స్ చేస్తున్నారు.