పవన్ కు చూపించి బరిలోకి దూకేస్తాడట..

కమెడియన్ టర్న్ డ్ హీరోల జాబితాలో మరో నటుడు చేరిపోతున్నాడు. చిత్తూరు యాసతో తనదైన శైలిలో వినోదం పండించి తెలుగు ప్రేక్షకుల మనసు దోచిన సప్తగిరి.. ‘సప్తగిరి ఎక్స్ ప్రెస్’తో హీరోగా పలకరించబోతున్నాడు. గత నెలలోనే రిలీజవ్వాల్సిన ఈ సినిమా డీమానిటైజేషన్ ఎఫెక్టుతో వాయిదా పడిపోయింది. ఐతే మోడీ నిర్ణయానికి భయపడ్డ సప్తగిరి.. స్టార్ హీరో సూర్యకు మాత్రం భయపడట్లేదు. ‘ఎస్-3’ రాబోతున్న డిసెంబరు 23నే తన చిత్రాన్ని కూడా రిలీజ్ చేయబోతున్నట్లు ప్రకటించా ఆశ్చర్యపరిచాడు. సినిమా విషయంలో ఉన్న కాన్ఫిడెన్సే ఇందుకు కారణం.

మరోవైపు పవర్ స్టార్ పవన్ కళ్యాణ్ కు కూడా తన సినిమాను చూపించడానికి సన్నాహాలు చేస్తున్నాడు సప్తగిరి. తనకు ‘కాటమరాయుడు’ టైటిల్ ఇచ్చేశారన్న కృతజ్నతతో ‘సప్తగిరి ఎక్స్ ప్రెస్’ ఆడియో వేడుకకు అతిథిగా వచ్చిన పవన్.. తాను ఈ సినిమా చూడాలనుకుంటున్నట్లు చెప్పిన సంగతి తెలిసిందే. పవన్ మాట వరసకు ఆ మాట అన్నాడో ఏమో తెలియదు కానీ.. సప్తగిరి మాత్రం తన అభిమాన కథానాయకుడిగా తన సినిమా చూపించాలని ఫిక్సయ్యాడు. పవన్ తన విలువైన రెండున్నర గంటల సమయాన్ని ఈ సినిమాకు కేటాయించాల్సినంత వర్త్ ఇందులో ఉందని అతను నమ్ముతున్నాడు. ఇంకో రెండు మూడు రోజుల్లో పవన్ కు సినిమా చూపిస్తారట. ఆయన అభిప్రాయం తెలుసుకుని.. ఆశీర్వాదం తీసుకుని సినిమాను థియేటర్లకు పంపించాలని చూస్తున్నాడు సప్తగిరి. మరి పవన్ కు ఈ సినిమా రుచిస్తుందో లేదో చూడాలి.

Like Us on Facebook : https://www.facebook.com/Tupakidotcom/