స‌ర్దార్ సంద‌డి హిందీలో కూడా!

బాలీవుడ్ మీడియాకి ప‌వ‌న్ క‌ళ్యాణ్ ఇంట‌ర్వ్యూ ఇచ్చిన‌ప్పుడే అర్థ‌మైంది...  దీని వెన‌క ఏదో స్ట్రాట‌జీ ఉందని! ఇప్పుడు అదే నిజ‌మైంది. ప‌వ‌న్ తాజాగా న‌టిస్తున్న స‌ర్దార్ గ‌బ్బ‌ర్‌ సింగ్ హిందీలోనూ విడుద‌ల కాబోతోంది.  సుమారు అక్కడ ఎనిమిది వంద‌ల పైచిలుకు థియేట‌ర్ల‌లో సినిమాని విడుద‌ల చేస్తున్నారు. అందుకే ముంద‌స్తు ప్ర‌మోష‌న్స్ కోసమే బాలీవుడ్ మీడియాలో ప‌వ‌న్ హ‌ల్‌చ‌ల్ చేస్తున్నాడు. ఇటీవ‌లే ఎన్డీటీవీ ప్ర‌తినిధి అనుప‌మ చోప్రా....  ప‌వ‌న్‌ క‌ళ్యాణ్‌ ని ఇంట‌ర్వ్యూ చేసింది. అది యూ ట్యూబ్‌ లో మంచి పాపులారిటీని సంపాదించింది. హిందీ ప్రేక్ష‌కులు కూడా ప‌వ‌న్ సింప్లిసిటీని, ఆయ‌న ఆలోచ‌న‌ల్ని చూసి వండ‌ర్ అవుతున్నారు.

ఇప్పుడు ప‌వ‌న్ న‌టించిన స‌ర్దార్ గ‌బ్బ‌ర్‌ సింగ్ అక్క‌డ విడుద‌ల‌వుతోందంటే ఆటోమేటిగ్‌ గా  ప్రేక్ష‌కులు ఆ సినిమాపై ఆస‌క్తి చూపే అవ‌కాశం ఉంది.  పైగా హిందీ ప్రేక్ష‌కుల‌కి  గ‌బ్బర్‌ సింగ్ క్యారెక్ట‌ర్ గురించి బాగా తెలుసు. అక్క‌డ స‌క్సెస్ అయిన  ద‌బాంగ్‌ కి రీమేక్‌ గానే గ‌బ్బ‌ర్‌ సింగ్ తెర‌కెక్కింది. సో... ఆ క్యారెక్ట‌ర్ కోస‌మైనా హిందీ జ‌నాలు సినిమాని చూస్తారు. మొత్త‌మ్మీద ప‌వ‌న్ క‌ళ్యాణ్ మంచి స్ట్రాట‌జీతోనే త‌న కొత్త సినిమాని విడుద‌ల చేస్తున్నాడు. హిందీ స‌ర్దార్ గ‌బ్బ‌ర్‌ సింగ్‌ కి సంబంధించిన పోస్ట‌ర్‌ ని చిత్ర‌బృందం విడుద‌ల చేసింది. అది అభిమానుల్ని ఆక‌ట్టుకునేలా ఉంది. గుర్రంపై ప‌వ‌న్ క‌ళ్యాణ్ ఇలాంటి పోజుతో క‌నిపించ‌డం ఇదే తొలిసారి.