మేకింగ్ వీడియో: ఇది సవ్యసాచి హంగామా

     అక్కినేని నాగ చైతన్య - చందూ మొండేటి కాంబినేషన్ లో తెరకెక్కుతున్న 'సవ్యసాచి' నవంబర్ 2 న ప్రేక్షకుల ముందుకు రానుంది. డిఫరెంట్ కాన్సెప్ట్ తో ఈ సినిమాను దర్శకుడు చందూ మొండేటి రూపొందిస్తున్నాడని ఇప్పటికే రిలీజ్ అయిన ప్రోమోస్ ద్వారా రివీల్ అయింది.  రీసెంట్ గా ప్రీ రిలీజ్ ఈవెంట్ ను జరిపిన 'సవ్యసాచి' టీమ్ తాజాగా మేకింగ్ వీడియోను రిలీజ్ చేశారు.

రామ్ లక్షణ్ మాస్టర్లు చైతుకోసం పవర్ ఫుల్ ఫైట్లు కంపోజ్ చేసినట్టుగా ఉన్నారు. ఒకసారి మెరూన్ షర్టు.. పంచె కట్టుకొని క్రికెట్ బ్యాట్ తో రౌడీల పని పడుతున్నాడు. ఇంకో చోట ఫ్రెండ్స్ అందరూ ఆపుతున్నా చైతూ తన ఎడం చేత్తో ఓ పోలీసు గొంతు నులమడానికి ట్రై చేస్తున్నాడు. మరో సీన్ లో హీరోయిన్ నిధి అగర్వాల్ పక్కన నిలబడి డైరెక్టర్ తో ఏదో మాట్లాడుతున్నాడు.  అక్కినేని హీరో జోరు ఇలా ఉంటే ఇతర సీన్స్ లో మాధవన్ కూల్ గా కూర్చొని ఫోన్ లో మాట్లాడడం లాంటి సీన్స్ ఉన్నాయి.

'సవ్యసాచి' మేకింగ్ వీడియోలో పాజిటివ్ వైబ్స్ ఉన్నట్టు అనిపిస్తోంది. విడుదలకు ఎక్కువ రోజులు లేదు కాబట్టి 'సవ్యసాచి' హంగామా మొదలయినట్టే.  ఆలస్యం ఎందుకు మీరూ సవ్యసాచి మేకింగ్ వీడియో పై ఒక లుక్కేయండి.


Full View