మైత్రిమూవీస్ 'ఆహా'.. చిన చేపను పెద్ద చేప...!

మైత్రి మూవీ మేకర్స్ వారు ఒక వైపు చిరంజీవి.. బాలకృష్ణ.. మహేష్ బాబు.. అల్లు అర్జున్‌ లతో పాటు ఇంకా పెద్ద పెద్ద హీరోలతో సినిమాలు చేస్తూ మరో వైపు చిన్న సినిమాలను కూడా నిర్మిస్తూ ఉన్న విషయం తెల్సిందే. వరుసగా మైత్రి మూవీ మేకర్స్ నుండి సినిమాలు వస్తూనే ఉన్నాయి. ఈ సమయంలోనే మరో ఆసక్తికర ప్రాజెక్ట్‌ ను మైత్రి మూవీ మేకర్స్ వారు ప్రకటించారు.

ఆహా లో స్ట్రీమింగ్‌ అవ్వబోతున్న ఈ సినిమాకు సంబంధించిన టైటిల్‌ మరియు ఫస్ట్‌ లుక్ ను అతి త్వరలోనే రివీల్‌ చేయబోతున్నట్లుగా చిత్ర యూనిట్‌ సభ్యులు సోషల్‌ మీడియా ద్వారా ప్రకటించారు. ఆహా మరియు మైత్రి మూవీ మేకర్స్ వారు సంయుక్తంగా సినిమాకు సంబంధించిన ప్రకటన విడుదల చేయడం అందరి దృష్టిని ఆకర్షిస్తోంది.

#SGRE మరియు #SGREOnAha హ్యాష్ ట్యాగ్‌ లతో సినిమా ను సోషల్‌ మీడియా ద్వారా రివీల్‌ చేయడం జరిగింది. మైత్రి మూవీ మేకర్స్ వారు భారీ సినిమాలను నిర్మిస్తున్న ఈ సమయంలో ఆహా ఓటీటీ కోసం సినిమాను నిర్మించడం.. ఓటీటీ లో స్ట్రీమింగ్‌ చేసేందుకు సిద్ధం అవ్వడం చర్చనీయాంశంగా మారింది.

హీరో ఎవరు హీరోయిన్‌ ఎవరు.. అసలు ఈ సినిమా యొక్క కాన్సెప్ట్‌ ఏంటీ అనేది ఏమాత్రం క్లారిటీ లేకుండానే మైత్రి మూవీ మేకర్స్ వారు నిర్మిస్తున్న ప్రాజెక్ట్‌ అది కూడా ఆహా లో స్ట్రీమింగ్‌ అవ్వబోతుంది అంటూ అధికారికంగా ప్రకటన రావడంతో కచ్చితంగా ఈ సినిమా కాన్సెప్ట్‌ తో పాటు కమర్షియల్‌ గా కూడా మంచి సినిమా అవుతుందనే నమ్మకంతో సోషల్‌ మీడియాలో జనాలు ఆ హ్యాష్ ట్యాగ్స్ ను ఉపయోగించి సినిమా ను గురించి చర్చించుకుంటున్నారు. ఈ సినిమా యొక్క ఫస్ట్‌ లుక్ మరియు పోస్టర్ ఎప్పుడు వస్తుందో చూడాలి.