ష‌క‌ల‌క శంక‌ర్ 4 సినిమాల హీరో!

ష‌క‌ల‌క శంక‌ర్ అన్నంత ప‌నీ చేస్తున్నాడు. ఈ శీకాకుళం సిన్నోడులోని ఫైరింగ్ ఏ రేంజులో ఉంటుందో ఇదివ‌ర‌కూ శంభోశంక‌ర ప్ర‌మోష‌నల్ కార్య‌క్ర‌మాల్లో జ‌నం చూశారు. శంక‌ర్‌లో మంచి ఉంది. దాన‌గుణం ఉంది. న‌లుగురికి సాయ‌ప‌డే త‌త్వం ఉంది. అందుకే అత‌డు హీరో అయితే ప‌దిమందికి అన్నం దొరుకుతుంద‌న్న భ‌రోసా. ఆ మాట‌నే శంక‌ర్ ప‌దే ప‌దే శంభో శంక‌ర విజ‌యోత్స‌వ వేడుక‌ల్లో చెప్పాడు. న‌న్ను హీరోని చేస్తామ‌ని రెండేళ్లు ఆగ‌మ‌న్న వాళ్ల‌కోసం ఆగ‌లేన‌ని, తాను సినిమాలు చేస్తే న‌లుగురికి తిండి దొరుకుతుంద‌ని ప‌దే ప‌దే చెప్పాడు. తాను అన్న‌దే చేసి చూపిస్తున్నాడు ఇప్పుడు.

మంచి కోసం పెద్ద మ‌న‌సుతో చేసే ప్ర‌య‌త్నం గెలుస్తుంద‌ని నిరూపిస్తున్నాడు. ఇప్ప‌టికిప్పుడు శంక‌ర్ క్యూలో వ‌రుస‌గా సినిమాలు ఉన్నాయి. అస‌లు న‌టుడు అవ్వ‌డ‌మే గొప్ప అనుకుంటే - ఇత‌గాడు ఏకంగా నాలుగు సినిమాల హీరో అయ్యి స‌త్తా చాటేస్తున్నాడు. ఇప్ప‌టికే రెండో సినిమా డ్రైవ‌ర్ రాముడు రిలీజ్‌ కి రెడీ అవుతోంది. ఈలోగానే మూడో సినిమా కేడీ నంబ‌ర్ 1 పోస్ట‌ర్‌ ని రిలీజ్ చేసి షాకిచ్చాడు. ఇక నాలుగో సినిమాకి కాస్టింగ్ సెల‌క్ష‌న్స్ మొద‌లైపోయాయి. ష‌క‌ల‌క శంక‌ర్ హీరోగా న‌టించే సినిమాకి హీరోయిన్లు - ఆర్టిస్టులు కావాల‌ని అప్పుడే వాట్సాప్‌ ల‌లో ప్ర‌క‌ట‌న క‌నిపిస్తోంది. అయితే  శంక‌ర్‌కి ఇంత మంచి ఛాన్స్ ద‌క్కింది మాత్రం కేవ‌లం `జ‌బ‌ర్ధ‌స్త్` అనే కార్య‌క్ర‌మం వ‌ల్ల‌. నిర్మాత శ్యాంప్ర‌సాద్ క‌ల్పించిన ఉపాధి వ‌ల్ల అంటే త‌ప్పేం లేదు.