తమిళ డైరెక్టర్ శంకర్ గురించి దేశవ్యాప్తంగా సుపరిచితమే. ఆయన సినిమాలే ఆయనను సుపరిచితుడిని చేసాయి. ఎన్నో గొప్ప సినిమాలు సినీ ప్రేక్షకులకు అందించిన శంకర్.. ప్రస్తుతం కమల్ హాసన్ కథానాయకుడుగా 'భారతీయుడు 2' సినిమా రూపొందిస్తున్న సంగతి తెలిసిందే. అయితే ఆ సినిమా ప్రారంభం అయినప్పటి నుండి షూటింగ్ లో అన్ని అవాంతరాలే ఎదురవుతున్నాయి. మొదట్లో భారీ క్రేన్ ప్రమాదం జరిగి అందులో ఇద్దరు మృతిచెందిన విషయం బాగా కలచివేసింది. అయితే డైరెక్టర్ శంకర్ నుండి రోబో, శివాజీ, భారతీయుడు, జీన్స్, జెంటిల్మెన్, అపరిచితుడు ఇలా అద్భుతమైన సినిమాలు చూసాం. కానీ గత కొంతకాలంగా శంకర్ తన ఫామ్ కోల్పోయాడనే వార్తలు వినిపిస్తున్నాయి. రోబో తర్వాత ఆ రేంజ్ హిట్టు మళ్లీ కొట్టలేదు శంకర్. స్నేహితుడు, ఐ, రోబో2 సినిమాలు వచ్చినప్పటికి బాక్సాఫీస్ ను షేక్ చేయలేకపోయాయి.
అయితే ప్రస్తుతం కమల్ హాసన్ తో సినిమా ఏదో కారణంతో ఆలస్యం అయ్యేలా ఉందట. అందుకోసం శంకర్ మరో స్క్రిప్ట్ రెడీ చేస్తున్నాడట. అంతేగాక చారిత్రక యుద్ధాల నేపథ్యంలో తెరకెక్కించే ఆలోచనలో ఉన్నాడట. అయితే తాజా కథనాల ప్రకారం.. శంకర్ రూపొందించబోయే వార్ డ్రామా మూవీలో కన్నడ స్టార్, కేజీఎఫ్ హీరో యష్ ఫైనల్ అయినట్లు సమాచారం. అయితే ఈ సినిమాలో మరో హీరోకి కూడా అవకాశం ఉంటుందట. అందుకోసం డైరెక్టర్ ఇప్పుడు మెగా పవర్ స్టార్ రాంచరణ్ వైపు మొగ్గుచూపుతున్నట్లు వార్తలు వినిపిస్తున్నాయి. వచ్చే ఏడాది సెట్స్ పైకి వెళ్ళబోయే ఈ సినిమాలో యష్, రాంచరణ్ లు సెట్ అవుతారని భావిస్తున్నట్లు తెలుస్తుంది. ఎందుకంటే అప్పటికి కేజీఎఫ్ 2, ఆర్ఆర్ఆర్ లు విడుదల అయిపోతాయి. ఇద్దరు కూడా పాన్ ఇండియా స్టార్లుగా ఉంటారు. కాబట్టి వీరిద్దరిని పెట్టి శంకర్ ఓ వండర్ క్రియేట్ చేసే బిగ్ ప్లాన్ చేస్తున్నాడని సినీవర్గాలు చర్చిస్తున్నాయి. ఇదేగనక నిజమైతే యష్, రాంచరణ్ ల పంట పండినట్లే అంటూ అభిప్రాయాలు వ్యక్తం అవుతున్నాయి. మరి డైరెక్టర్ శంకర్ అధికారిక ప్రకటన ఎప్పుడు వదులుతారో చూడాలి..!!
అయితే ప్రస్తుతం కమల్ హాసన్ తో సినిమా ఏదో కారణంతో ఆలస్యం అయ్యేలా ఉందట. అందుకోసం శంకర్ మరో స్క్రిప్ట్ రెడీ చేస్తున్నాడట. అంతేగాక చారిత్రక యుద్ధాల నేపథ్యంలో తెరకెక్కించే ఆలోచనలో ఉన్నాడట. అయితే తాజా కథనాల ప్రకారం.. శంకర్ రూపొందించబోయే వార్ డ్రామా మూవీలో కన్నడ స్టార్, కేజీఎఫ్ హీరో యష్ ఫైనల్ అయినట్లు సమాచారం. అయితే ఈ సినిమాలో మరో హీరోకి కూడా అవకాశం ఉంటుందట. అందుకోసం డైరెక్టర్ ఇప్పుడు మెగా పవర్ స్టార్ రాంచరణ్ వైపు మొగ్గుచూపుతున్నట్లు వార్తలు వినిపిస్తున్నాయి. వచ్చే ఏడాది సెట్స్ పైకి వెళ్ళబోయే ఈ సినిమాలో యష్, రాంచరణ్ లు సెట్ అవుతారని భావిస్తున్నట్లు తెలుస్తుంది. ఎందుకంటే అప్పటికి కేజీఎఫ్ 2, ఆర్ఆర్ఆర్ లు విడుదల అయిపోతాయి. ఇద్దరు కూడా పాన్ ఇండియా స్టార్లుగా ఉంటారు. కాబట్టి వీరిద్దరిని పెట్టి శంకర్ ఓ వండర్ క్రియేట్ చేసే బిగ్ ప్లాన్ చేస్తున్నాడని సినీవర్గాలు చర్చిస్తున్నాయి. ఇదేగనక నిజమైతే యష్, రాంచరణ్ ల పంట పండినట్లే అంటూ అభిప్రాయాలు వ్యక్తం అవుతున్నాయి. మరి డైరెక్టర్ శంకర్ అధికారిక ప్రకటన ఎప్పుడు వదులుతారో చూడాలి..!!