ఫ్రమ్ ద స్ట్రీట్స్ ఆఫ్ న్యూయార్క్.. టు ద గ్యాంగ్స్ ఆఫ్ బిహార్.. ఇదండీ ‘శంకరాభరణం’ కహానీ. ఈ రోజే శంకరాభరణం ఫస్ట్ లుక్ టీజర్ ను పవన్ చేతుల మీదు గబ్బర్ సింగ్ సెట్ నుంచే శంకరాభరణం టీజర్ ను లాంచ్ చేశారు. ‘శంకరాభరణం’ టీజర్ అంచనాలకు తగ్గట్లే ఫన్నీ ఫన్నీగా ఉంది. సినిమా కథేంటన్నది టీజర్ లోనే చెప్పేశారు. న్యూయార్క్ లో జాలీగా జీవితాన్ని ఎంజాయ్ చేసే కుర్రాడు.. అనుకోకుండా వచ్చి బిహార్ కు వచ్చి అక్కడి గ్యాంగుల చేతిలో పడితే ఏమవుతుందనే కథాంశంతో సినిమా తెరకెక్కిందని అర్థమవుతోంది.
‘‘మా నాన్న మిలియన్స్ మిలియన్స్ ఎర్న్ చేశారు. ఆయనా కష్టపడి నేనూ కష్టపడితే ఇంకెవర్రా సుఖపడేది’’ అంటాడు నిఖిల్. కట్ చేస్తే బిహీర్ లో ఓ బస్సు టాప్ మీద కూర్చుని జనాలతో కలిసి ట్రావెల్ చేస్తుంటాడతను. కార్లో వస్తే కిడ్నాప్ చేస్తారేమో అని భయంతో ఇలా బస్సులో ట్రావెలింగ్ అంటూ సప్తగిరి ఇచ్చే పంచ్.. తర్వాత బిహార్ గ్యాంగుల విశ్వరూపం చూపించారు. టీజర్ అంతా ఫన్నీ ఫన్నీగా ఉంది. నందిత - సంపత్ - పృథ్వీ లాంటోళ్లంతా ఇలా మెరిసి అలా మాయమయ్యారు. చివర్లో రౌడీ రాణిలా అంజలి దర్శనమిచ్చి.. ‘‘కబ్ ఆయేగా అస్లీ దివాళి’’ అంటూ ఇచ్చిన పంచ్ టీజర్ కు హైలైట్. దీపావళికి సినిమాను విడుదల చేయబోతున్నట్లు కూడా టీజర్ లోనే చెప్పేసింది ‘శంకరాభరణం’ టీమ్. కోన వెంకట్ కథ - స్క్రీన్ ప్లే - మాటలు సమకూరుస్తున్న ఈ సినిమాకు ఉదయ్ దర్శకత్వం వహిస్తున్న సంగతి తెలిసిందే.