సాయి పల్లవి కోసం త్యాగమా?

టాలీవుడ్ లో హీరోలకు హిట్టు పడితే బిజీ అవ్వడానికి కొంచెం టైమ్ పడుతుంది కానీ హీరోయిన్స్ మాత్రం వెంట వెంటనే సినిమాలను ఒకే చేస్తూ బిజీ అయిపోతారు. ప్రస్తుతం అలాంటి తరహాలో చాలా బిజీగా ఉన్న నటి సాయి పల్లవి. ఈ మలయాళీ బ్యూటీ అదృష్టం ఏమిటో గాని తన నటనతో అందరిని ఆకర్షిస్తోన్న సంగతి తెలిసిందే.

అయితే సాయి పల్లవి ప్రస్తుతం సినిమాలతో చాలా బిజీగా ఉంది. ఎంత బిజీగా అంటే.. ఆమె డేట్స్ కోసం ఇతర హీరోలు డేట్స్ వదులుకునేంత. సాధారణంగా సినిమాలో సెలెక్ట్ అయిన ఏ ఒక్క నటుడు షూటింగ్ కి హాజరు కాకపోయినా ఆ సినిమాకు పని చేసే అందరి షెడ్యూల్ లో తేడా వచ్చేస్తుంది. మొన్నటి వరకు హీరోల వల్ల మిగతా నటినటుల షెడ్యూల్స్ మరేవి. కానీ ఇప్పుడు హీరోయిన్స్ వల్ల కూడా షెడ్యూల్స్ తారుమారు అవుతున్నాయి. ఇక అసలు విషయనికి వస్తే.. సాయి పల్లవి కోసం మొత్తానికి శర్వానంద్ మరో సినిమా డేట్స్ ని వాయిదా వేసుకోవాల్సి వచ్చింది.

రీసెంట్ గా సాయి పల్లవి హను రాఘవపూడి - శర్వా కాంబో లో తెరకెక్కుతోన్న సినిమాలో సెలెక్ట్ అయిన సంగతి తెలిసిందే. అయితే సాయి పల్లవి తప్ప ఆ క్యారెక్టర్ కి ఎవరు సెట్ కారని చిత్ర యూనిట్ బావించడంతో శర్వా సుదీర్ వర్మ తో చేయబోతున్న సినిమా డేట్స్ మొత్తాన్ని మార్చేశాడు. మరికొన్ని రోజుల్లో స్టార్ట్ కాబోయే హను ప్రాజెక్టుకు శర్వా రెగ్యులర్ గా హాజరు కాబోతున్నాడట. వీలైనంత తొందరగా తనకు సంబంధించిన షూటింగ్ మొత్తాన్ని పూర్తి చేసుకొని ఫెస్టివల్ హీరో మరో ప్రాజెక్ట్ పై దృష్టి పెడతాడట. అది సంగతి.