మహేష్ మళ్లీ శృతి చేస్తున్నాడు

టాలీవుడ్ సూపర్ స్టార్ మహేష్ బాబుతో మళ్లీ జత కడుతోంది శృతి హాసన్. ఆగడు, శ్రీమంతుడు చిత్రాల్లో మహేష్ పక్కన ఆడిపాడింది శృతి. శ్రీనువైట్ల డైరెక్షన్ లో వచ్చిన ఆగడు పేలిపోయినా.. లేటెస్ట్ గా కొరటాల శివ డైరెక్షన్ లో వచ్చిన శ్రీమంతుడు మాత్రం రికార్డుల మోత మోగించేసింది. ఈ విజయంలో శృతి హాసన్ పాత్ర చాలా ఉంది.

శ్రీమంతుడిలో మహేష్, శృతిహాసన్ జంటకి మంచి అప్లాజ్ వచ్చింది. ఒకరికి ఒకరు అన్నట్లుగా ఉండేసరికి, వీరి మధ్య క్యూట్ లవ్ స్టోరీ బాగా రక్తి కట్టింది. అందుకే ఈ భామను మరోసారి మహేష్ పక్కన నటింపచేయాలని చూస్తున్నాడు డైరెక్టర్ మురుగదాస్.  మహేష్ ప్రస్తుతం శ్రీకాంత్ అడ్డాల డైరెక్షన్ లో బ్రహ్మోత్సవం షూటింగ్ లో ఉన్నాడు. ఇది పూర్తి కాగానే టాలీవుడ్ ప్రిన్స్ చేయబోయే ప్రాజెక్ట్ మురుగదాస్ తోనే. ఈ చిత్రంలో హీరోయిన్ పాత్రకు శృతిహాసన్ ని తీసుకోవాలని  భావించిన మురుగ.. ఆ మేరకు మహేష్ ని అప్రోచ్ అయ్యాడు. ప్రిన్స్ నుంచి కూడా ఎటువంటి అభ్యంతరం వ్యక్తం కాకపోవడంతో ప్రొసీడ్ అయిపోతున్నాడు డైరెక్టర్.

ఇంత షార్ట్ గ్యాప్ లో మహేష్ బాబుతో మూడు సినిమాలు చేసి, రేర్ ఫీట్ సాధించబోతోంది శృతిహాసన్.  అఫీషియల్‌ గా ఎప్పుడు ప్రకటిస్తారో చూద్దాం మరి.