కొత్త హీరోయిన్‌కు ఇంటి భోజ‌నం రుచి చూపించిన ప్రభాస్

పాన్ ఇండియా స్టార్ ప్ర‌భాస్ ఏ సినిమా చేస్తున్నా స‌రే సెట్ లో విందు భోజ‌నం ఉండాల్సిందే. డార్లింగ్ తో న‌టించిన ఎంతోమంది న‌టీన‌టులు ఆయ‌న ఇంటి నుంచి వ‌చ్చే భోజ‌నం గురించి క‌థ‌క‌థ‌లుగా చెప్పారు. కొంద‌రు తిన్న వెంట‌నే సోష‌ల్ మీడియాలో చెప్తే, మ‌రికొంద‌రు మాత్రం ఇంట‌ర్వ్యూల్లో ఆ విందు భోజ‌నం గురించి చెప్తూ ఉంటారు.

అయితే ఈ లిస్ట్ లో ఇప్పుడు ఫౌజీ హీరోయిన్ ఇమాన్వీ ఇస్మాయెల్ కూడా జాయినైంది. హ‌ను రాఘ‌వ‌పూడి ద‌ర్శ‌క‌త్వంలో ప్ర‌భాస్ చేస్తున్న ఫౌజీ(వ‌ర్కింగ్ టైటిల్)లో ఇమాన్వీ హీరోయిన్ గా న‌టిస్తున్న విష‌యం తెలిసిందే. ప్ర‌స్తుతం ఆ సినిమాకు సంబంధించిన షూటింగ్ హైద‌రాబాద్‌లోని రామోజీ ఫిల్మ్ సిటీలో జ‌రుగుతోంది.

ఈ సంద‌ర్భంగా కొత్త హీరోయిన్ ఇమాన్వీకి ప్ర‌భాస్ త‌న ఇంటి భోజ‌నం రుచి చూపించాడు. ఈ విష‌యాన్ని స్వ‌యంగా ఇమాన్వీ త‌న ఇన్‌స్టాలో షేర్ చేస్తూ ఇంత‌టి రుచిక‌ర‌మైన మంచిత‌నానికి థాంక్యూ ప్ర‌భాస్ అంటూ భోజ‌నం ఫోటోతో పాటూ నోట్లో నీళ్లూరుతున్న ఎమోజీని పోస్ట్ చేసింది. ఆ ఫోటో చూసిన అంద‌రికీ ఇప్పుడు నోట్లో నీళ్లూరుతున్నాయి.

ప్ర‌భాస్ ఇంటి భోజ‌నానికి సప‌రేట్ ఫ్యాన్ బేస్ ఉంది. ఇప్పుడు ఇమాన్వీ కూడా ఆ ఫ్యాన్ క్ల‌బ్ లో జాయినైంది. ప్ర‌భాస్ సినిమా షూటింగ్ హైద‌రాబాద్‌లో ఉంటే త‌ప్ప‌కుండా ఆయ‌న‌కు ఇంటి నుంచి భోజ‌నం రావాల్సిందే. అయితే ప్ర‌భాస్ ఇంటి నుంచి కేవ‌లం ఆయ‌న కోసం మాత్ర‌మే కాకుండా త‌న‌తో పాటూ మ‌రో 15 మందికి స‌రిపోయే విధంగా పది ప‌దిహేను ర‌కాల వంట‌కాలు ప్ర‌తీ రోజూ ఆ క్యారేజ్ లో వ‌స్తాయ‌ట‌.

ఇక ఫౌజీ విష‌యానికొస్తే ప్ర‌భాస్, హ‌ను రాఘ‌వ‌పూడి కాంబినేష‌న్ లో వ‌స్తున్న ఈ సినిమా 1970ల కాలం నాటి పీరియాడిక్ డ్రామాగా రూపొందుతుంది. ర‌జాకార్ల ఉద్య‌మం ఆధారంగా తెర‌కెక్కుతున్న ఈ సినిమాలో ప్ర‌భాస్ సైనికుడిగా క‌నిపించ‌నున్నాడ‌ని టాక్ వినిపిస్తోంది. ఇమాన్వీ హీరోయిన్ గా న‌టిస్తున్న ఈ సినిమాకు విశాల్ చంద్ర‌శేఖ‌ర్ సంగీతం అందిస్తున్నాడు.