అక్షయ్‌ కుమార్‌ సింగ్‌ గిరీ అదిరిపోయింది. అతడు నటిస్తున్న సింగ్‌ ఈజ్‌ బ్లింగ్‌ టీజర్‌ రిలీజైంది. టీజర్‌ లో దర్శకుడు కం కొరియోగ్రాఫర్‌ ప్రభుదేవా మార్క్‌ కనిపించింది. ఇదో సింగు గారి ప్రేమకథ. డస్కీ బ్యూటీ ఎమీ జాక్సన్‌ ప్రేమలో పడతాడు సింగ్‌. ఎమీ అంటే ఆషామాషీనా? ఆవిడో యాక్షన్‌ క్వీన్. ఇందులో యాక్షన్‌ ఇరగదీస్తోంది. అడ్డొచ్చినవాళ్లందరినీ మడిచి పెట్టేస్తోంది. స్టంట్స్‌ ఇరగదీసిందనుకోండి. అంతటి ఈ అమ్మడి కోసం వెతుక్కుంటూ వెళ్లే సింగు గారు చివరికి ప్రేయసిని దక్కించుకున్నారా? లేదా? అన్నది ఇంట్రెస్టింగ్‌ గానే చూపించాడు ప్రభుదేవా.
టీజర్‌ లోనే శిక్కు కల్చర్‌, సింగు లోని స్వింగు, ఫన్‌, అన్నీ బాగానే చూపించారు. పంజాబ్‌ పరిసరాల్లోని పంట పొలాల్ని అంతే అందంగా ఆవిష్కరించాడు ప్రభుదేవా. అంతేనా ఇందులో మెరుపులు మెరిపించే పాటలు కూడా ఉన్నాయి. ఎమీజాక్సన్‌ స్విమ్‌ సూట్‌ లో ఎంట్రీ ఇచ్చే స్టయిల్‌ చూస్తే యూత్‌ పిచ్చెక్కిపోవాల్సిందే. అమ్మడు మరోసారి తెలుగులో ఎవడు, ఐ సినిమాల్లో ఎలాంటి హాట్‌నెస్‌ తో యూత్‌ ను ఆకట్టుకుందో ఇప్పుడు బాలీవుడ్‌ లో కూడా సేమ్‌ టు సేమ్‌ అలాంటి వేషాలే వేస్తోంది. పాటల్లో కూడా బాగానే మత్తెక్కించింది. మొత్తానికి అక్కీ మరో హిట్టు కొట్టేట్టే ఉన్నాడు. అక్టోబర్‌ 2న సినిమా రిలీజవుతోంది. టీజర్‌ తో గుండె పట్టేశాడు కాబట్టి.. అందాకా వెయిట్‌ అండ్‌ సీ.