'మేజర్'లో ఆమె రోల్ చాలా కీలకమట...!

శోభితా దూళిపాళ్ల.. 'మిస్ ఇండియా ఎర్త్' కిరీటం గెలిచిన ఓ అచ్చమైన తెలుగమ్మాయి. తెనాలిలో పుట్టి వైజాగ్‌ లో పెరిగిన శోభిత సంచలనం సృష్టించిన సీరియల్ కిల్లర్ రమణ్ జీవిత చరిత్ర ఆధారంగా తెరకెక్కిన ‘రామన్ రాఘవ్ 2.0’ అనే మూవీతో బాలీవుడ్‌ లో అడుగుపెట్టింది. ఆ తర్వాత శోభిత దూళిపాళ్ల 'గూఢచారి' చిత్రంతో టాలీవుడ్ లో హీరోయిన్ గా పరిచయమైంది. మొదటి సినిమానే సక్సెస్ కావడంతో నటిగా ఆమెకు మరిన్ని అవకాశాలు వచ్చాయి. 'మూతన్' 'ది బాడీ' 'చెఫ్' అనే చిత్రాలలో నటించి మంచి గుర్తింపు తెచ్చుకుంది. ఇదిలా ఉండగా వైవిధ్యమైన చిత్రాలకు కేర్ ఆఫ్ అడ్రెస్ గా మారిన హీరో అడివి శేషు ప్రస్తుతం ‘మేజర్’ అనే టైటిల్ తో తెరకెక్కుతున్న బయోపిక్ లో నటిస్తున్నారు. ఉన్ని కృష్ణన్ జీవిత కథ ఆధారంగా తెరకెక్కుతున్న ఈ చిత్రంలో తెలుగమ్మాయి శోభితా దూళిపాళ్ల కూడా ఓ కీల‌క పాత్ర‌లో నటిస్తోన్నారు. అయితే ఆమె పాత్ర సినిమాలో చాలా కీలకంగా చాలా ఎమోష‌న‌ల్‌ గా ఉంటుందట.

గూఢ‌చారి త‌ర్వాత శేష్‌ తో శోభితా ధూళిపాల క‌లిసి న‌టిస్తోన్న రెండో చిత్ర‌మిది. ఆ రకంగా హిట్ కాంబినేషన్ మళ్లీ రిపీట్ అయింది. ఇక 2008లో 26/11 ముంబై టెర్రర్ అటాక్ లో మేజ‌ర్ సందీప్ ఉన్నికృష్ణ‌న్ త‌న ప్రాణాల‌ను ప‌ణంగా పెట్టి ప్ర‌జ‌ల‌ను ప్రాణాల‌ను కాపాడారు. ఇదే నేపథ్యంలో మేజర్ సినిమా ఉండబోతోంది. ఈ చిత్రం సూపర్ స్టార్ మహేష్ బాబు ఎంట‌ర్‌ టైన్‌ మెంట్ కో ప్రొడ్యూసర్ గా సోనీ పిక్చ‌ర్స్‌ మరియు ఎప్ల‌స్ ఎస్ మూవీస్ ప‌తాకాల‌పై నిర్మిత‌మ‌వుతుంది. పాన్ ఇండియా మూవీగా తెరకెక్కుతున్న ఈ చిత్రానికి సంభందించిన షూటింగ్ పార్ట్ ఇప్పటికే కంప్లీట్ చేశారని సమాచారం. అంతేకాకుండా అడవి శేష్ 'గూఢచారి' చిత్రానికి సీక్వెల్ కోసం స్క్రిప్ట్ సిద్ధం చేస్తున్నారని సమాచారం.