బన్నీ దెబ్బకు ఆ స్టార్‌ బెంబేలు..

పునీత్‌ రాజ్‌కుమార్‌ కన్నడ నాట సూపర్‌ స్టార్‌. ఈ నెల పదో తారీఖున అతడి సినిమా 'రాణా విక్రమ' విడుదల కాబోతోంది. ఈ సినిమాపై భారీ అంచనాలే ఉన్నాయి. 'రాణా విక్రమ' బెంగళూరు 29 లొకేషన్స్‌లో రిలీజ్‌ కాబోతోంది. ఐతే దాని కంటే ఓ రోజు ముందు విడుదల కాబోతున్న అల్లు అర్జున్‌ సినిమా 'సన్నాఫ్‌ సత్యమూర్తి' బెంగళూరులో 43 లొకేషన్స్‌లో రిలీజవుతుండటం విశేషం. అంటే కన్నడ సూపర్‌ స్టార్‌ కంటే మనోడికే అక్కడ క్రేజ్‌ ఎక్కువన్న మాట. బెంగళూరులో మాత్రమే కాదు.. కర్ణాటకలోని చాలా చోట్ల బన్నీ సందడి చేయబోతున్నాడు. ఆ రాష్ట్రం మొత్తంలో దాదాపు 140 థియేటర్లలో 'సన్నాఫ్‌ సత్యమూర్తి' రిలీజవుతుండటం విశేషం.

ఇక ఆంధ్రప్రదేశ్‌, తెలంగాణ రెండు రాష్ట్రాల్లో కలిపి దాదాపు 900 థియేటర్లలో 'సన్నాఫ్‌ సత్యమూర్తి' సందడి చేయబోతోంది. హైదరాబాద్‌లో 95 థియేటర్లలో సినిమా విడుదలవుతుండటం విశేషం. తమిళనాడులో 60 థియేటర్లలో, ముంబయిలో 60 థియేటర్లలో రిలీజ్‌ చేస్తున్నారు. యుఎస్‌లో 150 పైగా థియేటర్లలో.. మిగతా దేశాల్లో ఇంకో 60 థియేటర్లలో బొమ్మ పడుతోంది. మొత్తం వరల్డ్‌ వైడ్‌ దాదాపు 1500 థియేటర్లలో సన్నాఫ్‌ సత్యమూర్తి రిలీజ్‌ కాబోతోంది. కేరళలో మలయాళ డబ్బింగ్‌ సినిమానే డైరెక్టుగా రిలీజ్‌ చేయబోతున్నారు.