'ఇచ్చట వాహనములు..' నుంచి 'హే మనసెందుకిలా' సాంగ్ ప్రోమో..!

అక్కినేని హీరో సుశాంత్ నటిస్తున్న లేటెస్ట్ రొమాంటిక్ యాక్షన్ థ్రిల్లర్ ''ఇచ్చట వాహనములు నిలుపరాదు''. దీనికి 'నో పార్కింగ్' అనేది ఉప శీర్షిక. వాస్తవ సంఘటనల ఆధారంగా రూపొందుతున్న ఈ చిత్రానికి ఎస్.దర్శన్ దర్శకత్వం వహిస్తున్నాడు. ఏ1 స్టూడియోస్ మరియు శాస్త్ర మూవీస్ బ్యానర్లపై ర‌విశంక‌ర్ శాస్త్రి - ఏక్తా శాస్త్రి - హ‌రీష్ కోయ‌ల‌గుండ్ల ఈ చిత్రాన్ని నిర్మిస్తున్నారు. ఇందులో మీనాక్షి చౌదరి హీరోయిన్‌ గా నటిస్తోంది. ఇటీవలే యంగ్ రెబల్ స్టార్ ప్రభాస్ రిలీజ్ చేసిన ఈ సినిమా టీజర్ మంచి రెస్పాన్స్ తెచ్చుకుంది. ఈ క్రమంలో 'ఇచ్చట వాహనములు నిలుపరాదు' నుంచి ఫస్ట్ సింగిల్ ని రిలీజ్ చేయడానికి సన్నాహాలు చేస్తున్నారు.

'హే మనసెందుకిలా..' అనే సాంగ్ ని రేపు (ఫిబ్రవరి 16) ఉదయం 11 గంటలకు విడుదల చేస్తున్నట్లు చిత్ర బృందం ప్రకటించారు. ఈ సందర్భంగా ఓ అందమైన పోస్టర్ తో పాటు సాంగ్ ప్రోమోని వదిలారు. దీనికి ప్ర‌వీణ్ ల‌క్క‌రాజు స్వరాలు సమకూర్చగా.. శ్రీజో సాహిత్యం అందించారు. ఈ పాటను సింగర్స్ అర్మాన్ మాలిక్ - రమ్య బెహరా ఆలపించారు. ఈ చిత్రానికి ఎం.సుకుమార్ సినిమాటోగ్రాఫ‌ర్‌ గా వ్యవహరించగా.. గ్యారీ ఎడిటింగ్ వర్క్ చేస్తున్నారు. ఈ చిత్రంలో వెంకట్ - వెన్నెల కిషోర్ - ప్రియదర్శి - అభినవ్ గోమటం - నిఖిల్ - కైలాస - కృష్ణచైతన్య తదితరులు ఇతర పాత్రల్లో నటించారు. షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ వర్క్స్ జరుపుకుంటోంది.