టాలీవుడ్ కారణంగానే ఈ రేంజ్ లో ఉన్నా

సోనూసూద్ ఇప్పుడు ఇంటర్నేషనల్ మూవీ చేసేస్తున్నాడు. ఏకంగా ఇంటర్నేషనల్ స్టార్ జాకీచాన్ తో కలిసి కుంగ్ ఫు యోగాలో నటించేశాడు. ఇప్పుడా మూవీ ఇండియాలో రిలీజ్ అయిపోతోంది. జాకీచాన్ కి ఆపోజిట్ గా నటించడం అనే విషయాన్ని తెగ ఎంజాయ్ చేశానంటున్న సోనూ సూద్.. తెలుగు సినిమాల కారణంగానే తాను ఈ స్థాయికి చేరుకున్నానని చెబుతున్నాడు.

మొదట మోడలింగ్ తో కెరీర్ ప్రారంభించిన సోనూసూద్.. ఆ తర్వాత పలు సినిమాల్లో నటించాడు. కానీ అరుంధతి మూవీలో చూపించిన విలనిజం.. సోనూసూద్ ని ఓవర్ నైట్ లో స్టార్ విలన్ చేసేసింది. ఆ తర్వాత తమిళ్ లో కూడా కొన్ని మంచి పాత్రలతో ఆకట్టుకున్నాడు. తెలుగు.. తమిళ్ లో సక్సెస్ సాధించి స్టార్ రేంజ్ కి చేరుకున్నా.. మెల్లగా బాలీవుడ్ నుంచి ఆఫర్స్ పెరిగాయని.. ఇప్పుడు ఇంటర్నేషనల్ మూవీలో నటించే రేంజ్ ను అందుకున్నానన్నాడు.

తన ఈ స్థాయికి కారణానికి బేస్ అంతా టాలీవుడ్ అంటూ కృతజ్ఞతలు తెలిపాడు సోనూసూద్. దక్షిణాదిలో నటించేందుకు ఎప్పుడైనా సిద్ధంగా ఉంటానన్న ఈ విలన్.. తన కెరీర్ లో సౌత్ తో స్టార్ట్ కావడం అదృష్టంగా చెబుతున్నాడు.


Like Us on Facebook : https://www.facebook.com/Tupakidotcom/