ద‌రువేసిన‌ సోనూ సూద్.. చిందేస్తున్న ఫ్యాన్స్‌!

సోనూ సూద్ ఇప్పుడు కేవ‌లం న‌టుడు కాదు.. అంత‌కు మించిన మాన‌వ‌తా వాది. ఆప‌ద‌లో ఉన్న వారికి అండ‌గా నిలిచే కరు‌ణామూర్తి. కొవిడ్ తొలి ద‌శలో మొద‌లు పెట్టిన ఆయ‌న సేవా కార్య‌క్ర‌మాలు.. ఇప్ప‌టికీ కొన‌సాగుతూనే ఉన్నాయి. క‌రోనా బాధితులకు మాత్ర‌మే కాకుండా.. ఇత‌ర‌త్రా క‌ష్టాల్లో ఉన్న‌వారిని కూడా ఆదుకున్నారు.. ఇంకా చేయూత‌నిస్తూనే ఉన్నారు.

అయితే.. త‌న‌లోని మ‌న‌సున్న మ‌నిషిని ప్ర‌పంచానికి ప‌రిచ‌యం చేసిన సోనూ.. ఇప్పుడు త‌న‌లోని విభిన్న క‌ళ‌ల‌ను కూడా చూపిస్తున్నాడు. ఆ మ‌ధ్య షూటింగ్ గ్యాప్ లో దోశ‌లు వేసి త‌న‌లో న‌ల‌భీముడు ఉన్నాడ‌ని చెప్పిన రియ‌ల్ హీరో.. ఇప్పుడు ఆయ‌న‌‌లోని బ్యాండ్ వాలాను బ‌య‌ట‌కు తెచ్చారు.

లేటెస్ట్ గా ఓ వీడియోను షేర్ చేశారు సోనూ. అందులో సంప్ర‌దాయ డోలును వాయిస్తూ క‌నిపించారు. పెళ్లిళ్ల‌లో ఉప‌యోగించే భ‌జంత్రీల‌కు చెందిన డోలును అద్భుతంగా వాయిస్తూ.. టాలెంట్ నిరూపించుకున్నారు. ఈ వీడియో ఇప్పుడు సోష‌ల్ మీడియాలో వైర‌ల్ గా మారింది. మ‌న‌సు మాత్ర‌మే కాదు.. టాలెంట్ కూడా విశాల‌మైన‌ద‌ని కామెంట్స్ చేస్తున్నారు ఫ్యాన్స్‌. సోనూ నువ్వు కేక‌.. అంటూ ప్ర‌శంస‌ల జ‌ల్లు కురిపిస్తున్నారు.