ఈసారి అన్ని ట్రెండ్డింగ్‌ ల్లోనూ రియల్‌ హీరోనే

కాల గర్బంలో 2020 సంవత్సరం కలిసేందుకు మరి కొన్ని రోజులు మాత్రమే మిగిలి ఉన్నాయి. ఈ సమయంలో పలు సెర్చ్‌ ఇంజిన్‌ లు... మీడియా సంస్థలు ఇంకా పలు వెబ్‌ సైట్‌ లు సోషల్‌ మీడియా వేదికలు అన్ని ఈ ఏడాది పాపులర్‌ సెలబ్రెటీలను.. పాపులర్‌ సినిమాలను.. పాపులర్‌ సంఘటనలకు సంబంధించిన పోల్స్‌ నిర్వహిస్తూ ఉంటాయి. ఈ ఏడాది చాలా సంస్థలు నిర్వహించిన పాపులర్‌ సెల్రబెటీల జాబితాలో మరియు పలు వెబ్‌ సైట్ల సెర్చింగ్‌ జాబితాలో కూడా సోనూసూద్‌ పేరు టాప్‌ లో ఉంది. కరోనా సమయంలో రియల్‌ హీరోగా పేరు దక్కించుకున్న సోనూసూద్‌ అన్న చోట్ల కూడా ట్రెండ్డింగ్‌ లో ఉన్నాడు.

ఇటీవల ప్రముఖ బ్రిటన్‌ మీడియా సంస్థ వెళ్లడించిన ఏషియన్‌ పాపులర్‌ సెల్రబెటీల జాబితాలో సోనూసూద్‌ ఏకంగా నెం.1 గా నిలిచాడు. ప్రముఖ స్టార్స్‌ ఎంతో మంది ఉన్నారు. అయినా కూడా నెం.1 గా సోనూసూద్‌ నిలవడం జరిగింది. బాహుబలి.. సాహోలతో ఆల్‌ ఇండియా స్టార్స్‌ గా పేరు దక్కించుకున్న ప్రభాస్‌ ను... గ్లోబల్‌ స్టార్‌ గా దూసుకు పోతున్న ప్రయాంక చోప్రాలను పక్కకు నెట్టి నెం.1 స్థానంలో సోనూ సూద్‌ నిలిచాడు. వేలాది మందికి సోనూసూద్‌ లాక్‌ డౌన్‌ సమయంలో చేసిన సాయం వల్లే ఆయన్ను నెటిజన్స్‌ ఇంతగా అభిమానిస్తున్నారు. గూగుల్‌ సెర్చ్‌ తో పాటు ఇతర సెర్చ్‌ ల్లో మరియు ఇతర మీడియా సంస్థల 2020 పాపులారిటీ టాప్‌ సెల్రబెటీల జాబితాలో సోనూసూద్‌ టాప్‌ లో ఉన్నాడు.