స్పైడర్ టీజర్ వాయిదా

మహేష్ బాబు- మురుగదాస్ దర్శకత్వంలో రూపొందుతున్న భారీ బడ్జెట్ మూవీ స్పైడర్. ఇప్పుడీ సినిమా కోసం సూపర్ స్టార్ అభిమానులు ఎన్నో ఆశలతో ఎదురుచూస్తున్నారు. తమ హీరో అన్ని బాక్సాఫీస్ రికార్డులు బద్దలు కొట్టేయాలని కోరుకుంటున్నారు. అంతకంటే ముందే.. టీజర్-ట్రైలర్ వంటి వాటితో యూట్యూబ్ రికార్డులను కూడా బ్రేక్ చేసేందుకు రెడీగా ఉన్నారు మహేష్ ఫ్యాన్స్.

ముందుగా చెప్పిన షెడ్యూల్ ప్రకారం సూపర్ స్టార్ కృష్ణ పుట్టిన రోజు సందర్భంగా ఇవాళ సాయంత్రం స్పైడర్ టీజర్ ను విడుదల చేయాలని భావించారు. అందుకోసం ముహూర్తం కూడా పెట్టారు. సాయంత్రం 5గంటలకు స్పైడర్ టీజర్ సందడి చేయాల్సి ఉంది. కానీ ఇప్పుడీ టీజర్ విడుదల వాయిదా పడింది. తాజాగా దర్శక దిగ్గజం దాసరి నారాయణరావు కన్ను మూయడంతో ఆయనకు నివాళిగా తమ టీజర్ విడులను పోస్ట్ పోన్ చేసుకున్నారు స్పైడర్ మేకర్స్. మహేష్ కూడా ఇందుకు సరే అనేయడంతో.. వాయిదా కన్ఫాం అయిపోయింది.

అయితే.. మరీ ఎక్కువగా ఏమీ వాయిదా పడలేదు. ఆ తర్వాత రోజున అంటే జూన్ 1వ తేదీ ఉదయం 10.30కి స్పైడర్ టీజర్ విడుదల కానుంది. యూట్యూబ్ రికార్డులను వేటాడేందుకు స్పైడర్ టీజర్ వచ్చేందుకు మరో 24 గంటలు మాత్రమే గ్యాప్ ఉండడంతో.. ఫ్యాన్స్ లో ఆతృత పెరిగిపోతోంది.

Like Us on Facebook : https://www.facebook.com/Tupakidotcom/