'పెళ్లి సందD' సినిమాతో గతేడాది టాలీవుడ్ లో హీరోయిన్ గా ఎంట్రీ ఇచ్చింది కన్నడ కుర్ర భామ శ్రీలీల. కె.రాఘవేంద్రరావు దర్శకత్వ పర్యవేక్షణలో రూపొందిన ఈ సినిమా హిట్టా ప్లాపా అనేది పక్కన పెడితే.. యంగ్ బ్యూటీ కెరీర్ కి మాత్రం బాగా ఉపయోగపడింది.
గ్లామర్ షోతో అదరగొట్టి యువ హృదయాలను కొల్లగొట్టడంతో తొలి సినిమాతోనే దర్శక నిర్మాతల దృష్టిలో పడింది శ్రీ లీలా. అందుకే ఇప్పుడు క్రేజీ ఆఫర్స్ ఆమె తలుపు తడుతున్నాయి. తెలుగులో ఇప్పుడు మీడియం రేంజ్ హీరోలు మరియు డెబ్యూ హీరోలకు ఈ కన్నడ కస్తూరీ ఫస్ట్ ఛాయిస్ గా మారిపోయింది.
ప్రస్తుతం శ్రీలీల కు ఉన్నంత డిమాండ్ టాలీవుడ్ లో మరే యంగ్ హీరోయిన్ కు లేదు. అయితే ఆమె క్రేజ్ ను క్యాష్ చేసుకునే పనిలో ఉన్నారు కొందరు ఫిలిం మేకర్స్. గతంలో శ్రీలీల నటించిన కన్నడ చిత్రాలను ఇప్పుడు తెలుగులో రిలీజ్ చేయడానికి ప్లాన్ చేసుకుంటున్నారు.
శ్రీలీల 2019లో 'కిస్' అనే కన్నడ చిత్రంతో హీరోయిన్ గా తెరంగేట్రం చేసింది. ఇందులో విరాట్ అనే డెబ్యూ హీరోతో రొమాన్స్ చేసింది. రెండేళ్ల క్రితమే రిలీజైన ఈ సినిమాని.. ఇప్పుడు తెలుగులో ''ఐ లవ్ యూ ఇడియట్'' అనే పేరుతో డబ్ చేసి విడుదల చేయడానికి సన్నాహాలు చేస్తున్నారు.
ఈ నేపథ్యంలో 'ఐ లవ్ యూ ఇడియట్' టీజర్ ను ఈరోజు బుధవారం రిలీజ్ చేయనున్నట్లు ప్రకటించారు. అయితే పోస్టర్ లో 'పెళ్లి సందD' ఫేమ్ శ్రీలీల నటించిన సినిమా అని ఆమె పేరు మీదుగానే ప్రమోట్ చేస్తుండటం గమనార్హం.
సాధారణంగా స్టార్ హీరో హీరోయిన్లు ఇతర భాషల్లో నటించిన సినిమాలను డబ్బింగ్ చేసి రిలీజ్ చేస్తుండటం చూస్తుంటాం. కానీ శ్రీ లీలా తెలుగులో చేసింది ఒక్క సినిమానే. అయినా ఆమె డెబ్యూ చిత్రాన్ని అనువదిస్తున్నారంటే యువ నటి క్రేజ్ ఎలా ఉందో అర్థం చేసుకోవచ్చు.
శ్రీలీల ప్రస్తుతం వరుస సినిమాలతో బిజీబిజీగా గడుపుతోంది. ప్రస్తుతం ఆమె చేతిలో అర డజనుకు పైగా ప్రాజెక్ట్స్ ఉన్నాయి. అవన్నీ కూడా పెద్ద బ్యానర్లలో రూపొందే క్రేజీ చిత్రాలే అవడం గమనార్హం.
మాస్ మహారాజా రవితేజ హీరోగా త్రినాథరావు నక్కిన దర్శకత్వంలో తెరకెక్కుతున్న చిత్రం 'ధమాకా'. ఇందులో శ్రీ లీల హీరోయిన్ గా నటిస్తోంది. యూత్ స్టార్ నితిన్ మరియు దర్శక రచయిత వక్కంతం వంశీ కాంబినేషన్‌ లో రూపొందనున్న సినిమాలో శ్రీ లీల మెయిన్ హీరోయిన్ గా ఎంపికైంది.
అలానే 'అనగనగా ఒక రాజు' అనే సినిమాలో యువ హీరో నవీన్ పోలిశెట్టికి జోడీగా కనిపించనుంది. వారాహి బ్యానర్ లో గాలి జనార్ధన్ రెడ్డి తనయుడు కిరీటి హీరోగా లాంచ్ అవుతున్న చిత్రంలోనూ ఈ యంగ్ బ్యూటీ నటిస్తోంది. మెగా మేనల్లుడు వైష్ణవ్ తేజ్ హీరోగా సితార ఎంటర్టైన్మెంట్స్ రూపొందించే మూవీ కోసం ఈ పెళ్లి సందడి భామనే హీరోయిన్ గా తీసుకున్నారు.
అంతేకాదు నందమూరి బాలకృష్ణ - అనిల్ రావిపూడి కాంబోలో రానున్న సినిమాలో శ్రీ లీల కీలక పాత్ర పోషించనుంది. దిల్ రాజు ఫ్యామిలీ హీరో ఆశిష్ రెండో సినిమా 'సెల్ఫిష్' లో అమ్మడినే హీరోయిన్ గా ఫైనలైజ్ చేసినట్లు సమాచారం.
Full View
గ్లామర్ షోతో అదరగొట్టి యువ హృదయాలను కొల్లగొట్టడంతో తొలి సినిమాతోనే దర్శక నిర్మాతల దృష్టిలో పడింది శ్రీ లీలా. అందుకే ఇప్పుడు క్రేజీ ఆఫర్స్ ఆమె తలుపు తడుతున్నాయి. తెలుగులో ఇప్పుడు మీడియం రేంజ్ హీరోలు మరియు డెబ్యూ హీరోలకు ఈ కన్నడ కస్తూరీ ఫస్ట్ ఛాయిస్ గా మారిపోయింది.
ప్రస్తుతం శ్రీలీల కు ఉన్నంత డిమాండ్ టాలీవుడ్ లో మరే యంగ్ హీరోయిన్ కు లేదు. అయితే ఆమె క్రేజ్ ను క్యాష్ చేసుకునే పనిలో ఉన్నారు కొందరు ఫిలిం మేకర్స్. గతంలో శ్రీలీల నటించిన కన్నడ చిత్రాలను ఇప్పుడు తెలుగులో రిలీజ్ చేయడానికి ప్లాన్ చేసుకుంటున్నారు.
శ్రీలీల 2019లో 'కిస్' అనే కన్నడ చిత్రంతో హీరోయిన్ గా తెరంగేట్రం చేసింది. ఇందులో విరాట్ అనే డెబ్యూ హీరోతో రొమాన్స్ చేసింది. రెండేళ్ల క్రితమే రిలీజైన ఈ సినిమాని.. ఇప్పుడు తెలుగులో ''ఐ లవ్ యూ ఇడియట్'' అనే పేరుతో డబ్ చేసి విడుదల చేయడానికి సన్నాహాలు చేస్తున్నారు.
ఈ నేపథ్యంలో 'ఐ లవ్ యూ ఇడియట్' టీజర్ ను ఈరోజు బుధవారం రిలీజ్ చేయనున్నట్లు ప్రకటించారు. అయితే పోస్టర్ లో 'పెళ్లి సందD' ఫేమ్ శ్రీలీల నటించిన సినిమా అని ఆమె పేరు మీదుగానే ప్రమోట్ చేస్తుండటం గమనార్హం.
సాధారణంగా స్టార్ హీరో హీరోయిన్లు ఇతర భాషల్లో నటించిన సినిమాలను డబ్బింగ్ చేసి రిలీజ్ చేస్తుండటం చూస్తుంటాం. కానీ శ్రీ లీలా తెలుగులో చేసింది ఒక్క సినిమానే. అయినా ఆమె డెబ్యూ చిత్రాన్ని అనువదిస్తున్నారంటే యువ నటి క్రేజ్ ఎలా ఉందో అర్థం చేసుకోవచ్చు.
శ్రీలీల ప్రస్తుతం వరుస సినిమాలతో బిజీబిజీగా గడుపుతోంది. ప్రస్తుతం ఆమె చేతిలో అర డజనుకు పైగా ప్రాజెక్ట్స్ ఉన్నాయి. అవన్నీ కూడా పెద్ద బ్యానర్లలో రూపొందే క్రేజీ చిత్రాలే అవడం గమనార్హం.
మాస్ మహారాజా రవితేజ హీరోగా త్రినాథరావు నక్కిన దర్శకత్వంలో తెరకెక్కుతున్న చిత్రం 'ధమాకా'. ఇందులో శ్రీ లీల హీరోయిన్ గా నటిస్తోంది. యూత్ స్టార్ నితిన్ మరియు దర్శక రచయిత వక్కంతం వంశీ కాంబినేషన్‌ లో రూపొందనున్న సినిమాలో శ్రీ లీల మెయిన్ హీరోయిన్ గా ఎంపికైంది.
అలానే 'అనగనగా ఒక రాజు' అనే సినిమాలో యువ హీరో నవీన్ పోలిశెట్టికి జోడీగా కనిపించనుంది. వారాహి బ్యానర్ లో గాలి జనార్ధన్ రెడ్డి తనయుడు కిరీటి హీరోగా లాంచ్ అవుతున్న చిత్రంలోనూ ఈ యంగ్ బ్యూటీ నటిస్తోంది. మెగా మేనల్లుడు వైష్ణవ్ తేజ్ హీరోగా సితార ఎంటర్టైన్మెంట్స్ రూపొందించే మూవీ కోసం ఈ పెళ్లి సందడి భామనే హీరోయిన్ గా తీసుకున్నారు.
అంతేకాదు నందమూరి బాలకృష్ణ - అనిల్ రావిపూడి కాంబోలో రానున్న సినిమాలో శ్రీ లీల కీలక పాత్ర పోషించనుంది. దిల్ రాజు ఫ్యామిలీ హీరో ఆశిష్ రెండో సినిమా 'సెల్ఫిష్' లో అమ్మడినే హీరోయిన్ గా ఫైనలైజ్ చేసినట్లు సమాచారం.
ఇదే క్రమంలో సూపర్ స్టార్ మహేష్ బాబు - త్రివిక్రమ్ శ్రీనివాస్ కాంబోలో రానున్న SSMB28 చిత్రంలో పూజాహెగ్డే మెయిన్ హీరోయిన్ కాగా.. సెకండ్ ఫీమేల్ లీడ్ గా శ్రీ లీలను పరిశీలిస్తున్నారని టాక్ వినిపిస్తోంది. త్వరలోనే దీనిపై క్లారిటీ రానుంది.