తుపాకీ పట్టిన స్మాల్ స్క్రీన్ రాములమ్మ...!

శ్రీముఖి.. ఈ పేరు తెలియని తెలుగు బుల్లితెర ప్రేక్షకులు ఉండరు. 'జులాయి' సినిమాతో బన్నీకి సిస్టర్ గా నటించిన శ్రీముఖి తరువాత స్మాల్ స్క్రీన్ మీద యాంకర్‌ గా కెరీర్ స్టార్ట్ చేసింది. అందంతో పాటు అభినయం కూడా కనబరిచే ఈ భామ తను హోస్ట్ చేసే షోలలో డబుల్ మీనింగ్ డైలాగ్స్ తో యూత్ ని బాగా అట్రాక్ట్ చూస్తూ ఉంటుంది. స్మాల్‌ స్క్రీన్‌ రాములమ్మగా పాపులర్‌ అయిన ఈ బ్యూటీ.. బిగ్‌ బాస్‌ షోలోనూ పాల్గొంది. ఈ షో చివరకు వరకు నిలిచి రన్నరప్‌ తో సరిపెట్టుకుంది. బిగ్ బాస్ హౌస్ నుంచి బయటికొచ్చిన తరువాత శ్రీముఖి క్రేజీ ఆఫర్స్ దక్కించుకుంటుంది. ఇదే ఊపులో ఈ మధ్య 'మోస్ట్ డిజైరబుల్ ఉమెన్ ఆన్ టీవీ' అవార్డును సొంతం చేసుకుంది శ్రీముఖి. ప్రస్తుతం బుల్లితెరతో పాటు వెండితెరపై కూడా తన హవా చూపించాలని చూస్తుంది శ్రీముఖి. మే 10న ఆమె పుట్టిన రోజు. ఈ సందర్భంగా ఆమె నటించిన 'ఇట్స్ టైమ్ టు పార్టీ' సినిమా ఫస్ట్ లుక్ విడుదల చేసారు చిత్ర యూనిట్. ఈ పోస్టర్‌ లో చేతిలో తుపాకీ పట్టి గ్లామర్ లుక్‌ లో దర్శనమిచ్చింది సిల్వర్ స్క్రీన్ రాములమ్మ.

'ఇట్స్ టైమ్ టు పార్టీ' సినిమాతో గౌతమ్ ఇ.వి.ఎస్ అనే నూతన దర్శకుడు పరిచయం అవుతున్నాడు. శ్రీముఖి ఫస్ట్ లుక్ విడుదల సందర్భంగా దర్శక నిర్మాత గౌతమ్ ఇ.వి.ఎస్ మాట్లాడుతూ.. ఈ సినిమా ప్రస్తుత సమాజంలో యువతరం జీవితాలకు అద్దం పట్టేలా ఉంటుంది. ఇదొక సైబర్ క్రైమ్ థ్రిల్లర్. నాలుగు పాత్రల చుట్టూ కథ తిరుగుతుంది. శ్రీముఖి  ఫుల్ లెంగ్త్ రోల్ చేయడం లేదు. కానీ ఆమెది చాలా ముఖ్యమైన పాత్ర. ఇంతకు ముందెప్పుడూ ఇటువంటి పాత్రలో శ్రీముఖి నటించలేదు. ఆమె అభిమానులకు, ప్రేక్షకులకు ఈ పాత్ర సర్ ప్రైజ్ ఇస్తుంది. ప్రస్తుతం పోస్ట్ ప్రొడక్షన్ పనులు చివరి దశలో ఉన్నాయి అని అన్నారు. ఈ చిత్రాన్ని ఎయిమ్స్ మోషన్ పిక్చర్స్ అండ్ కాక్ టైల్ సినిమాస్ బ్యానర్స్ పై అల్లం సుభాష్ మరియు గౌతమ్ ఇ.వి.ఎస్ నిర్మిస్తున్నారు. ఈ చిత్రానికి శేఖర్ మోపూరి సంగీతం అందిస్తున్నారు. మరి తుపాకీ పట్టిన శ్రీముఖి ఈ సినిమాతో ఇండస్ట్రీలో పాతుకుపోతుందేమో చూడాలి.