ఒకే కథ అంటూ కొత్త కథ చెబుతాడా..

యంగ్ హీరో శ్రీవిష్ణు కెరీర్ డిఫరెంట్ గా సాగుతోంది. విభిన్నమైన చిత్రాలను ఎంచుకుంటూ తన ట్యాలెంట్ చూపుతున్న ఈ హీరో.. ఇప్పుడు మరోసారి కొత్త తరహా కథతో ఆడియన్స్ ను మెప్పించేందుకు ఫిక్స్ అయిపోయాడు.

నీది నాది ఒకే కథ అంటూ తెరకెక్కుతున్న చిత్రానికి ఫస్ట్ లుక్ రిలీజ్ చేశారు. ఈ పోస్టర్ లో శ్రీ విష్ణు మూడు తరహా లుక్స్ లో కనిపిస్తున్నాడు. వేటికవే భిన్నంగా ఉన్నా.. అన్నిటిలోనూ సీరియస్ నెస్ కొట్టొచ్చినట్లు కనిపిస్తోంది. మరోవైపు పోస్టర్లో మంటల్లో తగలబడుతున్న పుస్తకాలను చూస్తే.. కంటెంట్ లో ఉన్న డెప్త్.. హీరో క్యారెక్టర్ ఇంటెన్సిటీని అంతర్లీనంగా చెప్పే ప్రయత్నం చేసినట్లు కనిపిస్తుంది. విజయానికి ఒక మెట్టు.. విజయానికి అర మెట్టు అనే టైటిల్స్ పై ఉన్న పుస్తకాల టైటిల్స్ ను పరిశీలిస్తే.. షార్ట్ టెర్మ్ లో సక్సెస్ కోసం ప్రయత్నించే హీరోకు ఎలాంటి ఇబ్బందులు ఎదురయ్యాయో చూపిస్తారని భావించవచ్చు.

గతేడాది వచ్చిన అప్పట్లో ఒకడుండే వాడు చిత్రాన్ని నిర్మాతలే నీది నాది ఒకే కథను కూడా నిర్మించారు. శ్రీ విష్ణును తెగ ప్రమోట్ చేస్తున్న నారా రోహిత్ సమర్పణలోనే ఈ చిత్రం కూడా రూపొందింది. రీసెంట్ గా మెంటల్ మదిలో అంటూ ఆడియన్స్ ను మెప్పించిన శ్రీ విష్ణు.. మరోసారి ఇంటెన్స్ స్టోరీతో ఆడియన్స్ ను మెప్పించే ప్రయత్నం చేస్తున్నాడు. వేణు ఊడుగుల దర్శకత్వంలో ఈ చిత్రం రూపొందగా.. సురేష్ బొబ్బిలి సంగీతం అందించాడు.