భ‌లే డైరెక్ట‌ర్ మ‌ళ్లీ స్పీచ్ దంచేశాడుగా!

యేటా చాలామంది కొత్త ద‌ర్శ‌కులు ప‌రిశ్ర‌మ‌కి ప‌రిచ‌య‌మ‌వుతుంటారు. అయితే వాళ్ల‌లో కాన్ఫిడెంట్‌గా క‌నిపించేవాళ్లు  అరుదు.  కానీ శ్రీరామ్ ఆదిత్య మాత్రం  త‌న తొలి చిత్రం `భ‌లే మంచి రోజు` ఆడియో ఫంక్ష‌న్‌ లోనే హిట్టు కొట్టేస్తున్నా అన్న‌ట్టుగా సంకేతాలు ఇస్తూ చాలా చాలా కాన్ఫిడెంట్‌ గా మాట్లాడాడు. రిజ‌ల్ట్ కూడా అలాగే వ‌చ్చింది. ఆ వేడుక‌లో శ్రీరామ్ ఆదిత్య మాట‌లు - ఆయ‌న కాన్ఫిడెన్స్‌ ని చూసి మ‌హేష్‌ బాబు కూడా తెగ ముచ్చ‌ట‌ప‌డ్డాడు. అయితే  శ్రీరామ్ ఆదిత్య త‌న తొలి చిత్రానికే కాదు, రెండో చిత్రం విష‌యంలోనూ అంతే కాన్ఫిడెంట్‌ గా క‌నిపిస్తున్నాడు. ఆ విష‌యం నిన్న జ‌రిగిన శ‌మంత‌క‌మ‌ణి ప్రీ రిలీజ్ ఈవెంట్‌ తో మ‌రోసారి స్ప‌ష్ట‌మైంది. శ్రీరామ్ ఆదిత్య  స్పీచ్ దంచేశాడు.

పూరి జ‌గ‌న్నాథ్‌ లాంటి అగ్ర ద‌ర్శ‌కుడు వేదిక‌పై ఉన్న‌ప్ప‌టికీ ఏమాత్రం బెరుకు లేకుండా శ్రీరామ్ ఆదిత్య  చాలా కాన్పిడెంట్‌గా మాట్లాడాడు. అత‌ని స్పీచ్ మ‌రోసారి ఇండ‌స్ట్రీ వ‌ర్గాల్ని ఆక‌ట్టుకుంది. తాను రాసుకొన్న తొలి క‌థ ఇద‌నీ, అప్ప‌టికీ నేను ఏ ద‌ర్శ‌కుడి ద‌గ్గరా ప‌నిచేయ‌క‌పోయినా న‌లుగురు హీరోల్ని దృష్టిలో ఉంచుకొని క‌థ రాసుకొన్నానంటే దానికి ఎంతో ధైర్యం కావాలనీ, అది మా అమ్మ ద‌గ్గ‌ర్నుంచి పొందానని చెప్పుకొచ్చాడు శ్రీరామ్‌. అలాగే చిత్ర నిర్మాత  ఆనంద్ ప్ర‌సాద్ గురించి, త‌న సినిమాలో క‌లిసి న‌టించిన న‌లుగురు హీరోల గురించి, రాజేంద్ర‌ప్ర‌సాద్ గురించి చాలా బాగా మాట్లాడాడు.  `శ‌మంత‌క‌మ‌ణి` త‌ప్ప‌కుండా హిట్ట‌ని, అంద‌రికీ క‌నెక్ట్ అయ్యే అంశం ఇందులో  ఉంద‌ని బ‌ల్ల‌గుద్ది మ‌రీ చెప్పాడు శ్రీరామ్‌. ఆ కాన్ఫిడెన్స్ స్థాయిలో ఈ సినిమా హిట్టయ్యిందంటే మాత్రం శ్రీరామ్ ఆదిత్య ద‌ర్శ‌కుడిగా మ‌రోస్థాయికి వెళ్లిన‌ట్టే. మ‌రి ఆ రిజ‌ల్ట్ ఎలా ఉంటుందో తెలియాలంటే మాత్రం ఈ నెల 14వర‌కు వేచి చూడాల్సిందే. ఆ రోజే శమంత‌క‌మ‌ణి విడుద‌ల‌వుతోంది.

Like Us on Facebook : https://www.facebook.com/Tupakidotcom/