రానా సినిమాకి స్టార్ ల సాయం

ఒకపక్క ప్రతిష్టాత్మక బాహుబలి సినిమాకి మేజర్ కాల్ షీట్లు ఇస్తూనే మరోపక్క ఇతర సినిమాలలో ప్రధానపాత్రలు పోషిస్తూ బిజీ బిజీగా వున్నాడు రానా. అతను నటించిన ఇండియన్ తొలి సబ్ మెరైన్ ఫిలిం ఘాజీ విడుదలకు సిద్ధమవుతుంది.

ట్రైలర్ తో ఇంప్రెస్ చేసిన ఈ సినిమా విశాఖ నేపథ్యంలో జరిగిన యుద్ధనౌకల ఆధారంగా తీయబడడంతో తెలుగు రాష్ట్రాలలో ఆసక్తి నెలకొంది. అంతేకాక రానా తమిళ - హిందీ చిత్రసీమలకు సుపరిచితుడే గనుక అక్కడ కూడా ఈ చిత్రం విడుదలకు సిద్ధపడుతుంది.

అయితే తాజా సమాచారం ప్రకారం ఇటువంటి ప్రయోగాత్మక చిత్రాలకి తమ వంతు సహాయం చెయ్యడానికి స్టార్లు ముందుకొచ్చారు. ఈ సినిమాకు సంబంధించిన కీలక విషయాలను వాయిస్ ఓవర్ రూపంలో ఇవ్వడానికి హిందీ వెర్షన్ కి అమితాబ్ - తెలుగు వెర్షన్ కి చిరంజీవి - తమిళ వెర్షన్ కి సూర్య స్వచ్ఛందంగా ముందుకొచ్చారట. ఒక మంచి సినిమాకు తమవంతు చేయూతనివ్వడం శుభపరిణామమే. 

Like Us on Facebook : https://www.facebook.com/Tupakidotcom/