లేడీ మేనేజ‌ర్ల‌తో స్టార్ హీరోల కిరికిరి

హీరో హీరోయిన్ లేదా రంగుల ప్ర‌పంచంలో స‌హాయ న‌టీన‌టుల‌కు కాల్షీట్ల స‌ర్ధుబాటు.. రోజువారీ ప్లానింగ్ అనేది చాలా ముఖ్యం. నిరంత‌రం బిజీ షెడ్యూళ్ల‌తో స‌త‌మ‌త‌మ‌య్యే క్లిష్ట‌ స‌న్నివేశం చాలామంది తార‌ల‌కు  ఉంటుంది. ఇలాంటి వారికి చాక‌చ‌క్యంగా ప‌నుల‌న్నీ చ‌క్క‌బెట్టే ప్ర‌ణాళికా బ‌ద్ధంగా ప్ర‌తిదీ నిర్వ‌హించే మేనేజ‌ర్ల అవ‌స‌రం ప‌డుతుంది. అలాగే మేనేజ‌ర్ల‌కు భారీ పారితోషికాలు.. ప్యాకేజీలు ముడుతుంటాయి కూడా.

షారూఖ్‌.. ర‌ణ‌వీర్.. క‌రీనా.. దీపిక .. ఇలా అగ్ర తార‌లంతా మేనేజ‌ర్ల స‌హ‌కారంతో త‌మ ప‌నుల‌ను ఎంతో చాక‌చ‌క్యంగా చ‌క్క‌బెడుతున్నారు. వీళ్ల మేనేజ‌ర్లు ఎంతో యాక్టివ్ గా వ‌ర్క్ చేస్తుండ‌డం చూసేదే. కింగ్ ఖాన్ షారూఖ్ ఖాన్ మేనేజర్ పూజా దద్లానీ .. రణ్ వీర్ సింగ్ మేనేజర్ సుసాన్ రోడ్రిగ్స్ ..  కరీనా కపూర్ మేనేజర్ పూనమ్ దమానియా ఇండ‌స్ట్రీలో బెస్ట్ ప్లాన‌ర్స్ గా పాపుల‌ర‌య్యారు. వీళ్ల‌తో పాటు తారల విజయం వెనుక ఉన్న బాలీవుడ్ సెలబ్రిటీ మేనేజర్ల వివ‌రాల‌ను ఆరా తీస్తే ప‌లు ఆస‌క్తిక‌ర సంగ‌తులే తెలిసాయి.

తమ స్టార్ల కోసం కష్టపడి పనిచేసే బాలీవుడ్ సెలబ్రిటీ మేనేజర్లు కొన్నిసార్లు పెద్ద ఛాలెంజెస్ ని ఎదుర్కోవాల్సి ఉంటుంది. తార‌ల జ‌యాప‌జయాల్లో వీరి పాత్ర చాలా కీల‌క‌మైన‌ది. నిరంతరం త‌మ ప‌నిపైనే శ్ర‌ద్ధ పెట్టి స్టార్ ని అంటిపెట్టుకుని ఉండాల్సి ఉంటుంది. దీనికి టైమింగ్స్ ఉండ‌వు. రేయింబ‌వ‌ళ్లు షెడ్యూళ్ల ప్ర‌కారం ప‌ని చేయాల్సిందే. సినిమాల్లో తార‌లు వారి నటనతో ప్రేక్షకులను ఆకట్టుకుంటున్నారు. డ‌బ్బు పేరు సంపాదిస్తున్నారు. దానివెన‌క మేనేజ‌ర్ల కృషిని మ‌ర్చిపోకూడ‌దు. చాలా మంది తార‌లు కాంప్లిమెంట‌రీలు బ‌హుమ‌తుల‌తో త‌మ మేనేజ‌ర్ల‌లో ఆనందం నింపుతుంటారు.

ఒక సెలబ్రిటీకి తమ పని అంతా మేనేజ్ చేయగల పబ్లిక్ లో ఇమేజ్ ని మెయింటెయిన్ చేయగల ట్యాలెంటెడ్ మేనేజర్ అవసరమని ప‌రిశ్ర‌మ‌లో ప్ర‌వేశించే ప్ర‌తి న‌వ‌త‌రం న‌టీన‌టులు తెలుసుకుని తీరాలి.

షారూఖ్ ఖాన్ మేనేజర్ పూజా దద్లానీ

షారుఖ్ ఖాన్ మేనేజర్ పూజా దద్లానీ కింగ్ ఖాన్ షెడ్యూళ్ల‌ను  చూసుకుంటున్నారు. వీళ్ల‌ది చాలా సంవ‌త్స‌రాల అనుబంధం. ఐపీఎల్ టీమ్ కోల్ కతా నైట్ రైడర్స్ బ్రాండింగ్ ను కూడా త‌నే చూసుకుంటుంది. ఆమె షారుఖ్ ఖాన్ తో వివిధ ప్రచార కార్యక్రమాలు... షూటింగ్ లు స‌హా మరిన్నింటిలో కనిపించింది. ఖాన్ క‌ష్టంలోను త‌న వెన్నంటి నిలిచి ప్రోత్స‌హించే మంచి మ‌న‌సున్న మేనేజ‌ర్ గా పేరు తెచ్చుకుంది.

రణవీర్ సింగ్ మేనేజర్ సుసాన్ రోడ్రిగ్స్

బాలీవుడ్ పవర్ హౌస్ ఆఫ్ ఎనర్జీ రణవీర్ సింగ్ మేనేజర్ సుసాన్ దశాబ్ద కాలంగా సెలబ్రిటీ మేనేజర్ గా పనిచేస్తున్నారు. సుసాన్ ఆంత్రోపాలజిస్ట్ కావాలనుకుంది. కానీ తర్వాత సెలబ్రిటీ మేనేజర్ గా మారింది. రణవీర్ ఆమె వివాహానికి కూడా హాజరయ్యారు. వారి ఫోటోలు వైరల్ అయ్యాయి.

దీపికా పదుకొనే మేనేజర్ కరిష్మా ప్రకాష్

బాలీవుడ్ అగ్ర క‌థానాయిక‌ దీపికా పదుకొణె మేనేజర్ కరిష్మా ప్రకాష్ ఇంతకుముందు త‌న షెడ్యూళ్ల‌ను నిర్వహించేవారు. దీపిక‌ పని అంతా త‌నే చూసేవారు. సుశాంత్ సింగ్ రాజ్‌పుత్ ఆక‌స్మిక మ‌ర‌ణం అనంత‌రం డ్రగ్స్ కేసులో ఆమెను ఎన్‌.సీ.బీ పట్టుకోవడంతో దీపిక ఆమెను ఉద్యోగం నుంచి తొలగించింది.

అర్జున్ కపూర్ మేనేజర్ రునాలీ భగత్
బాలీవుడ్ నటుడు అర్జున్ కపూర్ మేనేజర్ రునాలి భగత్ రియాల్టీ షోలలో స్టైలిస్ట్ గా తన కెరీర్ ను ప్రారంభించింది. తరువాత ఆమె తన ఉద్యోగ‌ పాత్రను మార్చుకుంది. అర్జున్ ను పరిశ్రమలో విజయవంతమైన హీరోగా నిల‌బెట్టేందుకు చాలా కష్టపడింది.

కరీనా కపూర్ ఖాన్ మేనేజర్ పూనమ్ డామ్నియా
కరీనా కపూర్ ఖాన్ మేనేజర్ పూనమ్ డామ్నియా ఇండ‌స్ట్రీలో చాలా పాపుల‌ర్ నేమ్. బెబో న‌టించే సినిమాల‌కు కాల్షీట్లు చూస్తుంది. స్క్రిప్ట్ రీడింగ్ లు... షోల నిర్వ‌హ‌ణ స‌హా క‌రీనాకు చెందిన‌ వ్య‌క్తిగ‌త విష‌యాలెన్నిటినో నిర్వహిస్తుంది. కరీనా- పూనమ్ ఎంతో సన్నిహిత బంధాన్ని క‌లిగి ఉన్నారు.

అక్షయ్ కుమార్ మేనేజర్ జెనోబియా కోహ్లా
అక్షయ్ కుమార్ మేనేజర్ జెనోబియా కోహ్లా చాలా కాలంగా అతడితోనే కలిసి పనిచేస్తున్నారు. జెనోబియా అతని అన్ని షెడ్యూల్ లు ..సినిమాల‌ తేదీలను నిర్వహిస్తుంది.

తార‌ల జీవితాల్లో మేనేజ‌ర్ల పాత్ర చాలా కీల‌క‌మైన‌ది. ఎక్క‌డ ఏం తేడా జ‌రిగినా స‌న్నివేశం సీరియ‌స్ గా మారుతుంటుంది. స్టార్లు ఒక్కోసారి మేనేజ‌ర్ల‌పై విప‌రీతంగా విరుచుకుప‌డే స‌న్నివేశాలుంటాయి. చాలా ఓపిక స‌హ‌నం.. రేయింబ‌వ‌ళ్లు ఆఫీసుల్లోనే ఎక్కువ స‌మ‌యం వెచ్చించి ఎదురు చూసే స్వ‌భావం మేనేజ‌ర్ల‌కు ఉండాలి. ఎదుటివారిని కాకా ప‌ట్టే నైజం వీళ్ల‌కు అన్నివేళ‌లా శ్రీ‌రామ‌ర‌క్ష‌.