'లెజెండ్‌' సినిమా ఫలితం బాలయ్యకు, బోయపాటి శ్రీనుకు, నిర్మాతలకు ఎంత సంతోషం కలిగించిందో, ఎంత లాభం తెచ్చిపెట్టిందో కానీ.. జగపతిబాబుకు కలిగించిన సంతోషాన్ని, ఆయనకు తెచ్చిన లాభాన్ని లెక్కగట్టడం సాధ్యం కాదు. హీరో వేషాల నుంచి విలన్‌ వేషాలకు మారడం అందరూ పతనం అనుకుంటారు కానీ.. జగపతి విషయంలో మాత్రం ఈ మార్పు ఆయన్ని ఎన్నో మెట్లు పైకి ఎక్కించింది. ఒక్కసారిగా బిజీ ఆర్టిస్టు అయిపోయి క్రేజీ ప్రాజెక్టుల్లో భాగమైపోయాడు జగపతి. ఐతే విలన్‌ వేషాల్లో కూడా మరో మెట్టు ఎదగడానికి జగపతికి ఇప్పుడు సరైన సినిమా పడిందని చెప్పుకుంటున్నారు ఇండస్ట్రీ జనాలు.
సుకుమార్‌, ఎన్టీఆర్‌ల కాంబినేషన్లో తెరకెక్కబోయే ఓ రివెంజ్‌ డ్రామాలో జగపతి ఓ కీలక పాత్ర చేస్తున్న సంగతి తెలిసిందే. తండ్రీ కొడుకుల బంధం నేపథ్యంలో సాగే ఈ సినిమాకు 'నాన్నకు ప్రేమతో' అనే వర్కింగ్‌ టైటిల్‌ అనుకుంటున్నారు. ఐతే ముందుగా జగపతిది ఇందులో నాన్న పాత్ర అనుకున్నారు కానీ.. అదేం కాదట. జగపతి వేసేది విలన్‌ పాత్ర అని సమాచారం. సుకుమార్‌ తనదైన శైలిలో అద్భుతంగా ఈ పాత్రను తీర్చిదిద్దారని.. జగపతి కెరీర్లోనే ఇదో అద్భుతమైన పాత్ర అవుతుందని.. అనుకున్న స్థాయిలో ఆ పాత్ర పండితే జగపతి రేంజే మారిపోతుందని అంటున్నారు సుక్కు సన్నిహితులు. అంటే బాబాయి సినిమాతో టర్న్‌ తీసుకున్న జగపతి కెరీర్‌.. అబ్బాయి సినిమాతో మరో మెట్టు ఎక్కబోతోందన్నమాట. చూద్దాం.. జగపతి క్యారెక్టర్‌లో అంత విశేషం ఏముందో?
సుకుమార్‌, ఎన్టీఆర్‌ల కాంబినేషన్లో తెరకెక్కబోయే ఓ రివెంజ్‌ డ్రామాలో జగపతి ఓ కీలక పాత్ర చేస్తున్న సంగతి తెలిసిందే. తండ్రీ కొడుకుల బంధం నేపథ్యంలో సాగే ఈ సినిమాకు 'నాన్నకు ప్రేమతో' అనే వర్కింగ్‌ టైటిల్‌ అనుకుంటున్నారు. ఐతే ముందుగా జగపతిది ఇందులో నాన్న పాత్ర అనుకున్నారు కానీ.. అదేం కాదట. జగపతి వేసేది విలన్‌ పాత్ర అని సమాచారం. సుకుమార్‌ తనదైన శైలిలో అద్భుతంగా ఈ పాత్రను తీర్చిదిద్దారని.. జగపతి కెరీర్లోనే ఇదో అద్భుతమైన పాత్ర అవుతుందని.. అనుకున్న స్థాయిలో ఆ పాత్ర పండితే జగపతి రేంజే మారిపోతుందని అంటున్నారు సుక్కు సన్నిహితులు. అంటే బాబాయి సినిమాతో టర్న్‌ తీసుకున్న జగపతి కెరీర్‌.. అబ్బాయి సినిమాతో మరో మెట్టు ఎక్కబోతోందన్నమాట. చూద్దాం.. జగపతి క్యారెక్టర్‌లో అంత విశేషం ఏముందో?