దేవ‌ర‌కొండ‌తో సుకుమార్ మూవీ ఆగిపోలేదట‌

విజ‌య్ దేవ‌ర‌కొండ హీరోగా సుకుమార్ ద‌ర్శ‌క‌త్వంలో ఓ సినిమా తెర‌కెక్క‌నుంద‌ని ఇంత‌కుముందు ప్ర‌చార‌మైంది. టాక్సీవాలా రిలీజ్ స‌మ‌యంలో ఈ ప్ర‌చారం తెర‌పైకి వ‌చ్చింది. ప్ర‌ముఖ నిర్మాణ సంస్థ ఈ చిత్రాన్ని నిర్మించేందుకు ముందుకొచ్చింద‌న్న క‌థ‌నాలు వ‌చ్చాయి. అయితే ఆ త‌ర్వాత దానిపై స‌రైన అప్ డేట్ లేక‌పోవ‌డంతో ఆగిపోయింద‌ని కూడా క‌థ‌నాలు మొద‌ల‌య్యాయి. చ‌ర‌ణ్ తో సినిమాకి సుక్కూ క‌మిట‌వ్వ‌డంతో దేవ‌ర‌కొండ ప్రాజెక్ట్ హోల్డ్ లో ప‌డింద‌ని ప్ర‌చార‌మైంది.

కానీ తాజా స‌మాచారం మేర‌కు ఈ ప్రాజెక్ట్ ఆగిపోలేదు. సుకుమార్- విజ‌య్ దేవ‌ర‌కొండ సినిమా బౌండ్ స్క్రిప్ట్ సిద్ధంగా ఉంది. ప్ర‌స్తుతం సుకుమార్ పుష్ప చిత్రీక‌ర‌ణ పూర్తి చేశాక‌ రామ్ చ‌ర‌ణ్ సినిమా చేస్తారు. పుష్ప 90 రోజుల పెండింగ్ షూట్ పూర్తి చేసి వెంట‌నే చ‌ర‌ణ్ తో సినిమాని ప్రారంభిస్తారు. చ‌ర‌ణ్ అప్ప‌టికి ఆచార్య‌ను రిలీజ్ చేయించి.. ఆర్.ఆర్.ఆర్ షూటింగ్ ని పూర్తి చేసి సుకుమార్ కోసం సిద్ధ‌మ‌వుతార‌ని తెలుస్తోంది.

చ‌రణ్ తో సుకుమార్ సినిమా పూర్త‌వ్వ‌గానే దేవ‌ర‌కొండ‌తో సినిమాని ప‌ట్టాలెక్కిస్తార‌నేది తాజా అప్ డేట్. విజ‌య్ దేవ‌ర‌కొండ‌ శ‌రీర‌భాష టైమింగ్ కి త‌గ్గ‌ట్టు మంచి స్క్రిప్ట్ సిద్ధంగా ఉంది. సుకుమార్ మార్క్ ట్రీట్ మెంట్ ఉంటుంద‌ట‌. ఈ ప్రాజెక్ట్ యూత్ ఎంట‌ర్ టైన‌ర్ క‌థాంశంతో క్రేజీగా ఉంటుంద‌ని తెలిసింది.