మ‌హేష్ బాబుకు థాంక్స్ చెప్పిన‌ సుకుమార్‌!

థియేట‌ర్ల‌లో ఉప్పెన సినిమా కాసుల వ‌ర్షం కురిపిస్తుంటే.. బ‌య‌ట టాలీవుడ్ స్టార్లు ప్ర‌శంస‌ల జ‌ల్లు కురిపిస్తున్నారు. దీంతో.. ఉప్పెన టీం మొత్తం త‌డిసి ముద్ద‌వుతోంది. ఇటీవ‌ల‌ సూప‌ర్ స్టార్ మ‌హేష్ బాబు ఉప్పెన టీం ను పొగ‌డ్త‌ల‌తో ముంచెత్తాడు.

ట్విట్టర్‌లో బ్యాక్ టూ బ్యాక్ పోస్టుల‌తో పేరు పేరునా అభినంద‌న‌లు తెలిపాడు మ‌హేష్‌. 'ఒక్క మాటలో చెప్పాలంటే ఉప్పెన క్లాసిక్' అంటూ అభినందించాడు. అదేవిధంగా అటు డైరెక్టర్ బుచ్చిబాబు, హీరోహీరోయిన్లు వైష్ణవ్, కృతిశెట్టి, నిర్మాత‌లు సుకుమార్ రైటింగ్స్‌, మైత్రిమూవీ మేక‌ర్స్‌.. అంద‌రికీ ప్రత్యేకంగా శుభాకాంక్ష‌లు తెలిపాడు సూప‌ర్ స్టార్.

దీంతో.. ఉప్పెన టీం ఆనందంలో తేలిపోయింది. తాజాగా.. మ‌హేష్ బాబుకు ధ‌న్య‌వాదాలు చెబుతూ ట్విట‌ర్ లో పోస్టు చేశాడు సుకుమార్. బి‌జీషెడ్యూల్ కూడా ప‌క్క‌న పెట్టి ఉప్పెన సినిమా చూసినందుకు, అంద‌రికీ శుభాకాంక్ష‌లు తెలుపుతూ పోస్ట్ చేసినందుకు థాంక్స్ చెప్పాడు సుక్కూ. 'మీతో మాట్లాడటం ఎల్లప్పుడూ ఆనందంగా ఉంటుంది' అని రాసుకొచ్చాడు సుకుమార్.