యాంకర్ సుమ స్టేజ్ మీద తన మాటలతోనే కాకుండా కరోనా నేపథ్యంలో సాయం చేయడానికి ముందుకొచ్చి చేతల్లో కూడా చూపించింది. తన వద్ద ప్రత్యక్షంగా, పరోక్షంగా పనిచేసే వాళ్ల ఆకలి తీర్చేందుకు ప్లాన్ రెడీ చేసుకొని వారికి సహాయం చేస్తూ వచ్చింది సుమ. ఇప్పుడు కరోనా లాక్ డౌన్ కారణంగా తిండిలేక ఇబ్బందులు పడుతున్న అనేక మందికి తన వంతు సాయం అందించిన సుమ కనకాల మరో అడుగు ముందుకు వేశారు. ప్రతిరోజు ఎంతో మంది పేదలకు అన్నం పెడుతూ వారి ఆకలి తీర్చుతున్న ‘అక్షయపాత్ర’ స్వచ్ఛంద సేవా సంస్థకు ఫండ్ అందించే కార్యక్రమానికి పిలుపునిచ్చారు సుమ. 'సుమ ఫండ్ రైజర్ ఫర్ అక్షయ పాత్ర' పేరుతో ఫేస్ బుక్ ద్వారా ఆమె అభిమానుల నుంచి విరాళాలు సేకరిస్తున్నారు. ఐదు లక్షల టార్గెట్‌ గా ఆమె ఈ విరాళాల సేకరణ ప్రారంభించగా.. ఒక్కరోజులోనే సుమ ఫండ్ రైజర్ కు ఇప్పటి వరకూ ₹561,350 రావడంతో ఆమె టార్గెట్‌ ను రీచ్ అయ్యారు. ఈ సందర్భంగా తన పిలుపుకు గౌరవం ఇస్తూ విరాళాలు ఇచ్చిన 307 మందికి పేరు పేరునా ధన్యవాదాలు తెలుపుతూ కన్నీళ్లు పెట్టుకున్నారు యాంకర్ సుమ. తన కన్నీటి నుంచి వచ్చే ఈ కన్నీళ్లు ఆనందంలో వచ్చేవని చెప్తూ.. ‘సుమ ఫండ్ రైజర్ ఫర్ అక్షయ పాత్ర’కు డొనేషన్లు పంపినవారి పేర్లు ఒక్కొక్కటిగా చదివి వినిపించారు సుమ. ఇక అక్షయపాత్ర సేవా సంస్థ గురించి చెప్తూ.. ఈ సంస్థ ద్వారా దేశ వ్యాప్తంగా పిల్లలు పేదలకు ప్రతిరోజు రెండు పూటలా అన్నం పెడుతున్నారని చెప్పుకొచ్చింది.
ఒక్కచోటే కాకుండా దేశ వ్యాప్తంగా అక్షయ పాత్ర ద్వారా అన్నం పెడుతున్నారు.. తెలంగాణ ప్రాంతంలో 9000 వేల మందికి మీల్స్ అందిస్తున్నారు.. తెలంగాణ ప్రభుత్వం - అక్షయ పాత్రతో కలిసి రూ.5 రూపాయిల భోజనం అందిస్తున్నారు అంటూ చెప్పుకొచ్చారు యాంకర్ సుమ. కాగా ఈ ‘సుమ ఫండ్ రైజర్ ఫర్ అక్షయ పాత్ర’ కు డొనేట్ చేయాలనుకునే వాళ్లు సుమ ఫేస్ బుక్ కి వెళ్లి ఆమె పేజ్‌లో ఉన్న వీడియో కింద డొనేట్ బటన్‌ పై క్లిక్ చేసి ఎప్పుడైనా విరాళం అందించవచ్చని.. ఈ మొత్తం అక్షయ పాత్ర సేవా సంస్థకు అందుతుందని వివరాలను తెలియజేశారు. 'మనం బాగున్నాం.. మనం సంతోషంగా ఉన్నాం అని మాత్రమే కాకుండా ఎదుటి వారికి కూడా సాయం చేయాలని ముందుకు వస్తున్న మీ పెద్ద మనసులకు శతకోటి వందనాలు.. ఈ కష్టకాలంలో తాము మాత్రమే బాగుండాలని అనుకోకుండా తోటి మనుషుల ఆకలిని తీర్చాడానికి ముందుకొచ్చిన వారిని ప్రశంసిస్తూ.. మానవత్వం ఇంకా బతికే ఉందని.. ఇదే దానికి నిదర్శనం' అంటూ ఆమె భావోద్వేగానికి గురైంది. ఏదేమైనా సుమ కనకాల మంచి మనసుని అందరూ అభినందిస్తున్నారు.
ఒక్కచోటే కాకుండా దేశ వ్యాప్తంగా అక్షయ పాత్ర ద్వారా అన్నం పెడుతున్నారు.. తెలంగాణ ప్రాంతంలో 9000 వేల మందికి మీల్స్ అందిస్తున్నారు.. తెలంగాణ ప్రభుత్వం - అక్షయ పాత్రతో కలిసి రూ.5 రూపాయిల భోజనం అందిస్తున్నారు అంటూ చెప్పుకొచ్చారు యాంకర్ సుమ. కాగా ఈ ‘సుమ ఫండ్ రైజర్ ఫర్ అక్షయ పాత్ర’ కు డొనేట్ చేయాలనుకునే వాళ్లు సుమ ఫేస్ బుక్ కి వెళ్లి ఆమె పేజ్‌లో ఉన్న వీడియో కింద డొనేట్ బటన్‌ పై క్లిక్ చేసి ఎప్పుడైనా విరాళం అందించవచ్చని.. ఈ మొత్తం అక్షయ పాత్ర సేవా సంస్థకు అందుతుందని వివరాలను తెలియజేశారు. 'మనం బాగున్నాం.. మనం సంతోషంగా ఉన్నాం అని మాత్రమే కాకుండా ఎదుటి వారికి కూడా సాయం చేయాలని ముందుకు వస్తున్న మీ పెద్ద మనసులకు శతకోటి వందనాలు.. ఈ కష్టకాలంలో తాము మాత్రమే బాగుండాలని అనుకోకుండా తోటి మనుషుల ఆకలిని తీర్చాడానికి ముందుకొచ్చిన వారిని ప్రశంసిస్తూ.. మానవత్వం ఇంకా బతికే ఉందని.. ఇదే దానికి నిదర్శనం' అంటూ ఆమె భావోద్వేగానికి గురైంది. ఏదేమైనా సుమ కనకాల మంచి మనసుని అందరూ అభినందిస్తున్నారు.