తాత కోసం మనవడి శ్రద్ధ

కేవలం పోస్టర్లతోనే మంచి ప్రమోషన్ తెచ్చుకుంటున్న ఎన్టీఆర్ బయోపిక్ షూటింగ్ ఫైనల్ స్టేజికి వచ్చేసింది. ఎంత బాలన్స్ ఉందో యూనిట్ అధికారికంగా చెప్పడం లేదు కాని మహానాయకుడులో ఓ పాతిక శాతం కథానాయకుడిలో కొన్ని సీన్లు తప్ప మొత్తం పూర్తయ్యిందని టాక్. ఇందులో ఏఎన్ ఆర్ గా నటిస్తున్న సుమంత్ లుక్ కు ఇంతకు ముందే మంచి పాజిటివ్ రెస్పాన్స్ వచ్చిన సంగతి తెలిసిందే. ఇకపోతే సుమంత్ కొత్త సినిమా సుబ్రమణ్యపురం త్వరలో విడుదల కానుంది.

ఈ నేపధ్యంలో మీడియాతో ప్రత్యేక ఇంటర్వ్యూలు ఇస్తున్న సుమంత్ ఆ సినిమా కన్నా ఎక్కువగా ఎన్టీఆర్ విశేషాలు షేర్ చేసుకోవడం చూసి అందరూ ఆశ్చర్యపోతున్నారు. ప్రశ్నలు అడగటంలో భాగంగా విలేఖరులే ఈ ప్రస్తావన తెచ్చినప్పటికి సింపుల్ గా కాకుండా విడమరిచి తన పాత్ర గురించి బాలకృష్ణ ఎన్టీఆర్ గా ఎంత బాగా నప్పాడు అనే దాని గురించి కూలంకుశంగా చెప్పడం నిజంగా వింతే. దీన్ని బట్టే సుమంత్ తాతయ్య పాత్ర కనిపించడాన్ని ఎంత గర్వంగా ఫీలవుతున్నాడో అర్థమవుతోంది. ఎన్టీఆర్ లో తాను ఎంత సేపు కనిపించేది సుమంత్ చెప్పడం లేదు.

క్యామియో తరహాలో కేవలం కొన్ని సీన్లే ఉంటాయని కొందరు అంటుండగా తాను అభిమానించే వ్యక్తి కాబట్టి బాలయ్య ఏఎన్ ఆర్ పాత్రకు చెప్పుకోదగ్గ సన్నివేశాలు ఉండనిచ్చాడని మరో టాక్ ఉంది. ఏదైతేనేం ఎన్టీఆర్ గురించిన ప్రమోషన్ సుమంత్ నుంచి మొదలైపోయింది. చాలా గ్యాప్ తీసుకుని మళ్ళి రావా సినిమాతో రీ ఎంట్రీ సక్సెస్ కొట్టిన సుమంత్ సుబ్రమణ్యపురం ఆ తర్వాత వచ్చే ఇదం జగత్ మీద చాలా ఆశలే పెట్టుకున్నాడు. రెండు థ్రిల్లర్ జానర్ వే కావడం మరో విశేషం