విశ్వ‌న‌టుడు క‌మ‌ల్ హాస‌న్ తో ఏషియ‌న్ దిగ్గ‌జం భేటీ?

ఇటీవ‌ల పాన్ ఇండియా సినిమాల‌ను ప్ర‌క‌టిస్తూ ఏషియ‌న్ నారంగ్ దాస్ బృందం టాలీవుడ్ లో వేడి పెంచుతున్న సంగ‌తి తెలిసిందే. మద్రాసు రాష్ట్ర‌ విభ‌జ‌న‌ నేప‌థ్యంలోని క‌థాంశాన్ని ఎంచుకుని ధ‌నుష్ క‌థానాయ‌కుడిగా శేఖ‌ర్ క‌మ్ముల దర్శ‌క‌త్వంలో భారీ పాన్ ఇండియా చిత్రాన్ని నారంగ్ బృందం ప్ర‌క‌టించ‌డం సెన్సేష‌న్ అయ్యింది. త‌దుప‌రి వ‌రుస‌గా బ‌హుభాషా చిత్రాల‌కు దిగ్గ‌జ పంపిణీదారుడు ఎగ్జిబిట‌ర్ కం నిర్మాత నారంగ్ ప్లాన్ చేస్తున్నారు.

ఇటీవ‌ల ధ‌నుష్ తో పాటు సూర్య లాంటి త‌మిళ స్టార్ హీరోతో సినిమాల్ని నిర్మించేందుకు నారంగ్ స‌న్నాహ‌కాల్లో ఉన్నార‌ని గుస‌గుస‌లు వినిపిస్తున్నాయి. ఇప్పుడు ఆయ‌న విశ్వ‌న‌టుడు క‌మ‌ల్ హాస‌న్ ని క‌లిసారు. అందుకు సంబంధించిన ఓ ఫోటో అంత‌ర్జాలంలో వైర‌ల్ గా మారింది. ``ఉద్వేగభరితమైన నిబద్ధత గల వ్యక్తులందరూ కలిసినప్పుడు`` అంటూ ఈ ఫోటోకి క్యాప్ష‌న్ ఇచ్చారు. SVCLLP మావెరిక్ నిర్మాతలు #నారాయణదాస్ నారంగ్ .. ఏషియ‌న్ సునీల్.. #పుస్కూర్ రామ్ మోహ‌న్ రావ్ ..#భ‌ర‌త్ నారంగ్ త‌దిత‌రులు చెన్నైలో లెజెండరీ యాక్టర్ ఉలగనాయగన్ క‌మ‌ల్ హాస‌న్ ని కలిశారు.. అంటూ వివ‌రాల్ని అందించారు. క‌మ‌ల్ హాస‌న్ మ‌రోవైపు బిగ్ బాస్ త‌మిళ్ 4 లాంచింగ్ బిజీలో ఉన్న సంగ‌తి తెలిసిందే. తెలుగులో బిగ్ బాస్ సీజ‌న్ 5 కి కింగ్ నాగార్జున హోస్టింగ్ చేస్తుండ‌గా.. త‌మిళ బిగ్ బాస్ కి వ‌రుస‌గా క‌మ‌ల్ హాస‌న్ హోస్టింగ్ చేస్తున్న సంగ‌తి తెలిసిందే.