ఏంటి సునీల్.. త్వరపడు నానా!!

తెలుగులో దశాబ్ద కాలం పాటు తన కామెడీతో అందరినీ నవ్వించిన సునిల్ హీరోగా మాత్రం రాణించలేకపోతున్నాడు. ఇప్పటికే వరుసగా ఐదు సినిమాలు ఫ్లాపులు అయ్యాయి. ఇప్పుడు ‘ఉంగరాల రాంబాబు’తో వస్తున్నాడు. తన కామెడీ టైమింగుతో ఏదో నెట్టుకువస్తున్న సునీల్.. ఇప్పుడు మాత్రం కాస్త ఇబ్బందికర పరిస్థితులు ఎదుర్కొంటున్నాడటనే చెప్పాలి.

ఈ మధ్య కాలంలో సునీల్ హీరోగా ‘ఈడు గోల్డ్ ఎహే’ అనే సినిమా రాగా.. అది అతని కెరీర్ లోనే పెద్ద ఫ్లాప్. ఈ సినిమా  ప్రభావం సునీల్ కొత్త సినిమా ఉంగరాల రాంబాబు పడింది. ఓనమాలు, మళ్లీ మళ్లీ ఇది రాని రోజు లాంటి ఫీల్ గుడ్ మూవీస్ తీసిన క్రాంతి మాధవ్ దర్శకత్వలో రూపొందిన ఈ రాంబాబు మూవీ.. షూటింగ్ పనులు  పూర్తయి చాలా కాలమైనా కానీ ఇంకా విడుదలకు నోచుకోలేదు. పరుచూరి ప్రసాద్ ఈ సినిమా పరవాలేదు అనే బడ్జెట్ లో నిర్మించినా కూడా.. బయ్యర్లు ఎవరు కొనడానికి రావటంలేదు. ఇప్పుడు సునిల్ మార్కెట్ పూర్తిగా డౌన్ కావడంతో నిర్మాతలు చెప్పిన మొత్తానికి బయ్యర్లు ఒప్పుకోకపోవడం అటుంచి.. అసలు ఆ పక్కకు కూడా రావటం లేదట. ఈ సినిమా వేసవి లో విడుదల చేద్దాం అనుకున్నారు కానీ అది వీలుపడలేదు. జూన్ లో నైనా విడుదల చేస్తారు అనుకుంటే పరిస్థితి పూర్తిగా మారిపోయింది.

మరి సునిల్ ఈ సినిమాను ఎలా విడుదల చేస్తాడు అనేది పెద్ద చిక్కు మూడే. ఇప్పుడు ఉన్న పరిస్థితుల్లో విడుదల కావడం పెద్ద కష్టం కాదు కాని.. కాస్త గట్టిగా ప్రయత్నించాలి అంతే. ఈ మధ్య కాలంలో ఎవరో ఒక డిస్ర్టిబ్యూటర్ ను పట్టుకుంటే సినిమాలు ఇట్టే రిలీజ్ అయిపోతున్నాయి. సో త్వరపడు సునీల్!!

Like Us on Facebook : https://www.facebook.com/Tupakidotcom/