సన్నీ.. మరో ఖాన్ ని పట్టేసింది

పోర్న్ స్టార్ సన్నీ లియోన్ ని బాలీవుడ్ హీరోయిన్ గా ఇండియన్ ఆడియన్స్ ఎప్పుడో యాక్సెప్ట్ చేసేశారు. చేసే సినిమాలన్నీ అడల్ట్ కంటెంట్ ఆధారంగా ఉన్నవే అయినా.. సన్నీకి ఇక్కడ ఫ్యాన్ బేస్ బాగానే పెరిగిపోయింది. అయితే బాలీవుడ్ టాప్ స్టార్స్ మాత్రం ఇంతకాలం సన్నీని దూరంగానే పెట్టారు. కొంతకాలం క్రితం సన్నీ లియోన్ ఇచ్చిన ఓ ఇంటర్వ్యూ.. బాలీవుడ్ లో ఆ స్టేజ్ ని మార్చేసింది. తన గతాన్ని సమర్ధించుకుంటూ, ప్రస్తుతం చేస్తున్న పనిపై సంతోషం వ్యక్తం చేసిన తీరు.. జర్నలిస్ట్ అడిగిన అసంబంద్ధమైన ప్రశ్నలకు ఎంతో పరిణతితో కూడిన జవాబులు.. ఆమెను ఉన్నత స్థానంలో కూర్చోబెట్టాయి.

ఆ సమయంలో బాలీవుడ్ ఖాన్ లతో సినిమా చేయాలనే కోరికను బయటపెట్టింది సన్నీ. అవకాశం వస్తే సన్నీ లియోన్ తో తప్పనిసరిగా మూవీ చేస్తానని అఫ్పుడే చెప్పాడు అమీర్ ఖాన్. అయితే అమీర్ కంటే ముందే షారూక్ తన మూవీ రాయీస్ లో ఛాన్స్ ఇచ్చేశాడు. ఇప్పుడు అమీర్ మూవీలో కూడా సన్నీలియోన్ అవకాశం దక్కించుకుంది. అమీర్ హీరోగా తెరకెక్కుతున్న దంగల్ చిత్రంలో సన్నీతో ఓ రోల్ చేయిస్తున్నారు.

కొంతకాలం క్రితం అమీర్ ఖాన్ ఇంటి నుంచి బయటకు వస్తూ సన్నీలియోన్ కెమేరాలకు చిక్కడంతో ఈ వార్తలు బయల్దేరాయి. ఇప్పుడీ న్యూస్ నిజమే అని తేలిపోయింది. ఇక షారూక్ ఖాన్ మూవీ రాయీస్ లో.. బాలీవుడ్ క్లాసిక్ సూపర్ హిట్ సాంగ్ లైలా ఓ లైలా పాటలో సన్నీ లియోన్ ఆడిపాడనుంది.