సన్నీ కండోమ్ యాడ్.. వాళ్లు హర్టయ్యారు

సన్నీ లియోన్ పేరెత్తితే చాలు.. చాలామంది మనోభావాలు దెబ్బ తినేస్తాయి. పోర్న్ స్టార్ భారతీయ సినిమాల్లో నటించడం ఏంటంటూ మొదలైన అభ్యంతరాలు.. అనేక విషయాల్లో కొనసాగుతున్నాయి. తాజాగా ఆమె నటించిన కండోమ్ యాడ్ మీద తీవ్ర అభ్యంతరాలు వ్యక్తమవుతున్నాయి. ఈ ప్రకటనపై రిపబ్లికన్‌ పార్టీ ఆఫ్‌ ఇండియా (ఎ) మహిళా విభాగం నేతలు మండి పడుతున్నారు. ఈ ప్రకటనలో మహిళల్ని కించపరిచేలా.. అనైతికంగా చూపించారని.. ఇలాంటి ప్రకటనల్ని టీవీల్లోకి అనుమతించడం దారుణమని వారు అన్నారు.

టీవీల్లో ఇలాంటి ప్రకటనలు చూడటం మహిళా ప్రేక్షకులకు ఇబ్బందికరమని వారు వ్యాఖ్యానించారు. అసభ్యకరంగా ఉన్న ఈ కండోమ్ యాడ్.. ప్రజల్లోకి తప్పుడు సందేశం తీసుకెళ్లేలా ఉందని, దీన్ని వెంటనే నిషేధించాలని డిమాండ్ చేశారు. పలు టీవీ చానళ్లలో ఈ యాడ్‌ యథేచ్ఛగా ప్రసారమవుతోందని.. ఇంటిల్లిపాదీ టీవీ చూస్తున్నపుడు ఈ ప్రకటన ప్రసారమైతే ఛాలా ఇబ్బందికరంగా ఉంటుందని ఆ పార్టీ నేత షీలా అన్నారు. ఈ ప్రకటనపై చాలామంది మహిళా ప్రేక్షకులతో పాటు తమ కార్యకర్తల నుంచి ఫిర్యాదులు వచ్చాయని అన్నారు. వారం రోజుల్లోపు సన్నీలియోన్‌ యాడ్‌ ను నిషేధించకపోతే పరిణామాలు తీవ్రంగా ఉంటాయని వారు ప్రభుత్వానికి అల్లిమేటం విధించారు. మరి ఈ యాడ్ పై బ్యాన్ పడుతుందేమో చూడాలి.

Like Us on Facebook : https://www.facebook.com/Tupakidotcom/