సన్నీ సాంగ్.. అబ్బే.. తేలిపోయింది

కర్ణుడి చావుకు కోటి కారణాలు అన్నట్టు ఒక్క సినిమా అపజయానికి కూడా అనేక కారణాలు కనిపిస్తాయి. రిలీజ్ తర్వాత అది చేయకుంటే బాగుండేది ఇది చేస్తే బావుండేది అనే రిపేరింగ్ వర్డ్స్ బాగా వినిపిస్తాయి. ఒక్కోసారి సినిమా హిట్ అయినా కూడా నెగిటివ్ కామెంట్స్ వెలువడుతూ ఉంటాయి. సినిమాలో ఇదొక్కటి అనవసరంగా సినిమాకు సంబంధం లేకుండా పెట్టారు అనే కామెంట్స్ వినిపిస్తాయి.

ఇప్పుడు పిఎస్వి గరుడవవేగ సినిమాకు కూడా అదే తరహాలో వినిపిస్తున్నాయి. సినిమాకి హైప్ తీసుకురావాలంటే ఎదో ఒక పాయింట్ ని బలంగా జనాల్లోకి తీసుకువెళ్లాలి. అదే గరుడావేగ టీమ్ చేసింది. మెయిన్ కాగా సన్నీ లియోన్ స్పెషల్ సాంగ్ ని హైలెట్ చేస్తూ ప్రమోషన్స్ ని ఓ రేంజ్ లో నిర్వహించింది. ఎక్కువగా సన్నీ డియో డియో పాటనే ప్రస్తావించింది. అయితే ఆ ప్రమోషన్ సినిమా కి ఓ రకంగా హెల్ప్ అయినా సినిమాలో మాత్రం కంటెంట్ కి తగ్గట్టు లేదనే కామెంట్స్ వినిపిస్తున్నాయి.

సన్నీకి కుర్రకారులో ఏ స్థాయిలో ఇమేజ్ ఉందొ ప్రత్యేకంగా చెప్పనక్కర్లేదు. అయితే హీరో రాజశేఖర్ దాన్ని గమనించి సన్నీతో స్పెషల్ సాంగ్ చేయించాలని దర్శకుడితో చర్చించాడట. దీంతో ప్రవీణ్ సత్తారు కూడా చేసేదేమి లేక సాంగ్ ని రెగ్యులర్ ఫార్మాట్ లోనే తెరకెక్కించాడు. సన్నీ వలన సినిమాకు క్రేజ్ వచ్చింది గాని సినిమాలో పాటని చూసిన వారు సంతృప్తి చెందలేదని తెలుస్తోంది. ఏదైతేనేమి సినిమా హిట్ అయ్యింది అది చాలు అని చిత్ర యూనిట్ కూడా ఆ కామెంట్స్ ని లైట్స్ తీసుకుంటోందట. అది సంగతి.