ఈ పిల్లను కాస్త చూస్కోండి

సందీప్ కిషన్ తో కలిసి బీరువా అనే సినిమాలో కనిపించిన ఓ అందాల భామ గుర్తుందా ?  ఈ చిన్నదాని పేరు సురభి. బీరువాలో మేటర్ లేకపోయినా.. మూవీకి వచ్చినోళ్లను యాక్టింగ్ తో ఆకట్టుకుంది ఈ వయ్యారి. పెర్ఫామెన్స్ బాగుండడం, హీరోయిన్ ఫీచర్స్ అన్నీ ఉండడం, యాక్టివ్ గా ఉండడంతో సురభి.. డైరెక్టర్స్ ని బాగానే ఆకర్షించింది.

ప్రస్తుతం ఈ చిన్నది రెండు సినిమాల్లో నటిస్తోంది. ఒకటి తమిళ్ మూవీ కాగా.. మరొకటి ఎక్స్‌ ప్రెస్‌ రాజాగా వస్తున్న శర్వానంద్ పక్కన చిందులేయబోతోంది. ఇప్పుడీ భామకి మరో మంచి ఆఫర్ తలుపు తట్టింది. రీసెంట్‌ గా నాని పక్కన ఓ ప్రాజెక్ట్‌ కి ఓకే చేశారట సురభిని. భలేభలే మగాడివోయ్ హిట్ తో జోష్ మీదున్న నాని.. ప్రస్తుతం అందాల రాక్షసి ఫేం హను రాఘవపూడి చేస్తున్న మూవీలో నటిస్తున్నాడు. దీని తర్వాత ఈ భలే మగాడు చేయబోతున్న చిత్రం ఇంద్రగంటి మోహనకృష్ణతో. అష్టాచెమ్మాతో తనను హీరోగా లాంఛ్ చేసిన డైరెక్టర్ తో ఇన్నాళ్లకు మళ్లీ సెట్ అవుతున్నాడు నాని. ఈ మూవీలోనే నానితో కలిసి నటించబోతోంది సురభి. వీటిలో ఏ ఒక్క ప్రాజెక్ట్ హిట్ అయినా.. అమ్మడి ఫేట్ మారిపోవడం ఖాయం.