అల్లో.. '8' లెక్క వేరయ్యా సామీ!!

ఇప్పటివరకు ఎవ్వరికీ రాని ఒక కొత్త సందేహ ''ధృవ'' సినిమా టైటిల్ గురించి కొంతమందికి వచ్చింది. అసలు ఈ సినిమా టైటిల్ లోగో బ్యాక్ సైడ్ ఉన్న '8' అంకె యొక్క రియల్ మీనింగ్ ఏంటీ అంటూ చాలామంది చాలా బాష్యాలు చెప్పారు. అయితే దీని గురించి ఒక సందేహం మాత్రం టాప్ లేచిపోయే రేంజులో ఉందండోయ్.

నిజానికి ధృవ అనేది సురేందర్ రెడ్డి కెరియర్లో 8వ సినిమా. అది చెప్పాడానికే ఇలా టైటిల్ వెనుక మనోడు 8 అనే అంకెను పెట్టుకున్నాడంటూ కొన్ని రూమర్లు వచ్చాయి. మరి ఇందులో ఎంతవరకు నిజం ఉంది? ''ఏవండీ.. చరణ్‌ ఏమన్నా ఒక చిన్న హీరోనా? నేను నా ఇష్టం వచ్చినట్లు అంకెలను పెట్టుకోవడానికి? స్టోరీకి సంబంధించి ఒక ముఖ్యమైన కనక్ట్ ఉంది కాబట్టే.. అలా లోగోలో 8 అనే నెంబర్ ను పెట్టాం. సినిమా చూశాక ఆ కనక్షన్ ఏంటనేది మీకు అర్ధమవుతుంది'' అంటూ కాస్త మండిపడ్డాడు సురేందర్ రెడ్డి. మనోడు చెప్పినట్లు ఆ '8' లెక్క వేరే ఉందనమాట.

ఇకపోతే ఈ సినిమా తరువాత మరిన్ని రీమేక్స్ చేస్తారా అంటే.. అబ్బే ఇదే నా ఆఖరి రీమేక్ అంటున్నాడు. ఇప్పుడు తని ఒరువన్ వంటి సినిమాను రీమేక్ చేయాలంటే ఒక సీన్ తో ఒక సీన్ చాలా ఇంటర్ కనక్టెడ్ కాబట్టి.. అసలు మార్చడానికే స్కోప్ అనేదే లేదంట. అలాంటి సినిమాలు ఇక మీదట ఎప్పుడూ టచ్చే చేయబోను అంటున్నాడు.

Like Us on Facebook : https://www.facebook.com/Tupakidotcom/