హిట్ ఇచ్చాడు.. కార్ పట్టాడు

కోలీవుడ్ స్టార్ హీరో సూర్య ఈ మధ్య వరుసగా ఫ్లాపులతో ఇబ్బంది పడుతున్నాడు. సికందర్.. మాస్.. ఆ తర్వాత 24లతో నిరుత్సాహకరమైన ఫలితాలు అందుకున్నాడు. 24 చిత్రానికి మంచి కలెక్షన్స్ వచ్చినా.. స్వీయ నిర్మాణంతో చివరకు భారీ నష్టాలను చవి చూశాడు సూర్య. ఇప్పుడు ఎస్3 అంటూ సింగం సీక్వెల్ తో ప్రేక్షకుల ముందుకు వచ్చాడీ కోలీవుడ్ హీరో.

అయితే.. ఆశించిన స్థాయిలో బ్లాక్ బస్టర్ కాకపోయినా.. జనాల నుంచి రెస్పాన్స్ బాగానే ఉంది. రిలీజ్ అయిన 6 రోజుల్లోనే ప్రపంచవ్యాప్తంగా 100 కోట్ల గ్రాస్ ను కలెక్ట్ చేసింది ఎస్3. తమిళనాట కంటే.. తెలుగు రాష్ట్రాలు.. కర్నాటక.. ఓవర్సీస్ లో ఈ మూవీ బెటర్ గా పెర్ఫామ్ చేస్తోంది. చాలా ఏళ్ల తర్వాత సూర్యకి ఎస్3 రూపంలో ఊరటనిచ్చే సక్సెస్ ఇచ్చాడు దర్శకుడు హరి.

దీంతో ఈ దర్శకుడికి టొయోటా ఫార్చూనర్ కారును గిఫ్ట్ గా అందించాడు హీరో సూర్య. తమిళనాడులో రాజకీయ పరిస్థితులు సరిగా లేకపోవడంతో.. అక్కడ ఈ చిత్రం ఆశించిన స్థాయిలో పెర్ఫామ్ చేయడం లేదు. రివ్యూలు.. మౌత్ టాక్ పరంగా చూస్తే.. ఎస్3 కలెక్షన్స్ మరింత జోరుగా ఉండాల్సింది అంటున్నారు ట్రేడ్ జనాలు.

Like Us on Facebook : https://www.facebook.com/Tupakidotcom/