తమిళ స్టార్ హీరో సూర్య కెరీర్లో అతి పెద్ద హిట్లలో ఒకటిగా నిలిచిన సినిమా ‘అయన్’. ఈ చిత్రం తెలుగులో ‘వీడొక్కడే’ పేరుతో విడుదలై ఇక్కడా మంచి విజయమే సాధించింది. ఈ చిత్రాన్ని రూపొందించిన కె.వి.ఆనంద్ ఆ తర్వాత సూర్యతో ‘మాట్రన్’ అనే మరో సినిమా చేశాడు. అదే.. బ్రదర్స్. ఈ సినిమా కమర్షియల్‌గా పెద్ద సక్సెస్ కాకపోయినా విభిన్నమైన సినిమాగా పేరు తెచ్చుకుంది. మళ్లీ ఇప్పుడు సూర్య-కె.వి.ఆనంద్ కాంబినేషన్లో ఓ సినిమా తెరకెక్కబోతోంది. ఈ చిత్రాన్ని ‘2.0’ లాంటి భారీ సినిమాను ప్రొడ్యూస్ చేస్తున్న లైకా ప్రొడక్షన్స్ నిర్మించబోతోంది. ఈ చిత్రం గురించి లైకా వాళ్లే ప్రకటన చేశారు.
ఈ ఏడాది ద్వితీయార్ధంలో మొదలయ్యే ఈ సినిమాకు కె.వి.ఆనంద్ ఆస్థాన సంగీత దర్శకుడు హ్యారిస్ జైరాజ్ మ్యూజిక్ అందించనున్నాడు. గేవ్ మి క్యూరీ ఛాయాగ్రహణం సమకూరుస్తాడు. సూర్య కెరీర్లోనే అత్యధిక బడ్జెట్లో ఈ సినిమాను తెరకెక్కించనున్నారట. ఈ చిత్రం సూర్య గత సినిమాల్లాగే తెలుగులోనూ ఒకేసారి విడుదలవుతుంది. వచ్చే ఏడాది వేసవిలో రిలీజ్ చేస్తారట. ‘వీడొక్కడే’తో పాటు ‘రంగం’ సినిమాతోనూ కె.వి.ఆనంద్ మంచి గుర్తింపు సంపాదించాడు. అతడి సినిమాలు కొత్తగా ఉంటాయి. రేసీగా ఉంటాయి. ఈ సంక్రాంతికి ‘గ్యాంగ్’తో పలకరించిన సూర్య.. ప్రస్తుతం సెల్వ రాఘవన్ ‘ఎన్.జి.కె’ అనే సినిమా చేస్తున్నాడు. అది దీపావళికి విడుదలవుతుంది.
ఈ ఏడాది ద్వితీయార్ధంలో మొదలయ్యే ఈ సినిమాకు కె.వి.ఆనంద్ ఆస్థాన సంగీత దర్శకుడు హ్యారిస్ జైరాజ్ మ్యూజిక్ అందించనున్నాడు. గేవ్ మి క్యూరీ ఛాయాగ్రహణం సమకూరుస్తాడు. సూర్య కెరీర్లోనే అత్యధిక బడ్జెట్లో ఈ సినిమాను తెరకెక్కించనున్నారట. ఈ చిత్రం సూర్య గత సినిమాల్లాగే తెలుగులోనూ ఒకేసారి విడుదలవుతుంది. వచ్చే ఏడాది వేసవిలో రిలీజ్ చేస్తారట. ‘వీడొక్కడే’తో పాటు ‘రంగం’ సినిమాతోనూ కె.వి.ఆనంద్ మంచి గుర్తింపు సంపాదించాడు. అతడి సినిమాలు కొత్తగా ఉంటాయి. రేసీగా ఉంటాయి. ఈ సంక్రాంతికి ‘గ్యాంగ్’తో పలకరించిన సూర్య.. ప్రస్తుతం సెల్వ రాఘవన్ ‘ఎన్.జి.కె’ అనే సినిమా చేస్తున్నాడు. అది దీపావళికి విడుదలవుతుంది.