సింగం క్లైమాక్స్ అక్కడ సెట్ చేశారు

కోలీవుడ్ స్టార్ సూర్య నటిస్తున్న లేటేస్ట్ మూవీ ఎస్ 3. సింగం సిరీస్ లో మూడో పార్ట్ గా వస్తున్న ఈ చిత్రానికి కూడా హరినే దర్శకత్వం వహిస్తున్నాడు. తెలుగు.. తమిళ భాషల్లో బ్లాక్ బస్టర్ అయిన సిరీస్ కావడంతో.. ఈ సింగం కేరక్టర్ ని.. సిరీస్ ను అలా కంటిన్యూ చేసేస్తున్నారు హీరో సూర్య.. డైరెక్టర్ హరి.

ఎస్3 ఇప్పటికే షూటింగ్ ను దాదాపు పూర్తి చేసుకోగా.. ప్రస్తుతం క్లైమాక్స్ సన్నివేశాల చిత్రీకరణ జరుగుతోంది. క్లైమాక్స్ కోసం భారీ ఫైట్ ను మలేషియాలో తెరకెక్కిస్తున్నారు. బాలీవుడ్ యాక్టర్ ఠాకూర్ అనూప్ సింగ్ ఎస్3లో మెయిన్ విలన్ పోషిస్తున్నాడు. ప్రస్తుతం సూర్య-అనూప్ సింగ్ ల కాంబినేషన్ లో వచ్చే కొన్ని సీన్స్ తో పాటు ఫైటింగ్ సీక్వెన్స్ కూడా మలేషియాలోనే పిక్చరైజ్ చేయనున్నారు. ఈ క్లైమాక్స్ కంప్లీట్ అయిపోతే.. షూటింగ్ పార్ట్ అయిపోయినట్లే అని తెలుస్తోంది.

నెలాఖరులో ఆడియో రిలీజ్ ఫంక్షన్ చేయనుండగా.. డిసెంబర్ లో ఎస్3 థియేటర్లలోకి రానుంది. అనుష్క-శృతి హాసన్ లు సూర్యతో జోడీ కట్టగా.. రాధిక- నితిన్ సత్య-  సూరీ- రోబో శంకర్ లు ఇతర ప్రధాన పాత్రలు పోషిస్తున్నారు. మ్యూజిక్ డైరెక్టర్ హారిస్ జైరాజ్ ఈ సింగం మూడో భాగానికి సంగీతం అందిస్తుండడం విశేషం.

Like Us on Facebook : https://www.facebook.com/Tupakidotcom/