బన్నీతో చేయి కలిపిన అక్కినేని హీరో

ఇటీవలే రెండో షెడ్యూల్ లో అడుగు పెట్టిన అల్లు అర్జున్-త్రివిక్రమ్ శ్రీనివాస్ కాంబో మూవీ షూటింగ్ వేగాన్ని పెంచింది. నాన్ స్టాప్ గా సుదీర్ఘమైన పనిదినాలను నిర్దేశించుకుని కీలక భాగాన్ని పూర్తి చేసుకోనుంది. తారాగణం మొత్తం ఇందులో పాల్గొనబోతోంది. ఇవాళ మరో విశేషం తోడయ్యింది. అక్కినేని హీరో సుశాంత్ ఇందులో జాయిన్ అయ్యాడు. ఈ మేరకు అధికారికంగా తన సోషల్ మీడియాలో ప్రకటించాడు. ఆర్య నుంచి తాను ఎంతగానో స్ఫూర్తిగా తీసుకునే స్టైలిష్ స్టార్ అల్లు అర్జున్ తో సెట్ లో పాల్గొనడం చాలా సంతోషంగా ఉందని చెప్పాడు.

చాలా కాలం నుంచి ఎదురు చూస్తున్న త్రివిక్రమ్ దర్శకత్వంలో పవర్ హౌస్ లా భావించే సీనియర్ నటి టబుతో పాటు పూజా హెగ్డే తమన్ లతో టీం అప్ కావడం పట్ల ఆనందాన్ని వ్యక్తం చేశాడు. అంతే కాదు హారికా హాసిని గీత ఆర్ట్స్ కు థాంక్స్ కూడా చెప్పాడు. చిలసౌ తర్వాత ఇలాంటి అద్భుతమైన యూనిట్ తో వర్క్ చేయడం పట్ల సుశాంత్ హ్యాపీ నెస్ మాములుగా లేదు

ఎన్ని రోజులు తానీ షెడ్యూల్ లో ఉండేది సుశాంత్ రివీల్ చేయలేదు. ఇంత కన్నా చెప్పలేనని అందులోనే మాట దాటేశాడు. మరో కీలక పాత్రలో నవదీప్ కూడా నటిస్తున్న సంగతి తెలిసిందే. మలయాళం యాక్టర్ జయరాంతో పాటు చాలా పెద్ద స్టార్ క్యాస్ట్ నే త్రివిక్రమ్ సెట్ చేసుకున్నాడు. వచ్చే ఏడాది సంక్రాంతికి ప్లాన్ చేసుకున్న ఈ మూవీ నవంబర్ లోగా షూటింగ్ మొత్తం పూర్తి చేసుకునే ప్లాన్ లో ఉంది.

పాటల చిత్రీకరణ సెప్టెంబర్ నుంచి మొదలుపెట్టె అవకాశాలు ఉన్నాయి. అంతకు ముందు ఓ సిచువేషనల్ సాంగ్ ని మాత్రం ఆలోపే పూర్తి చేస్తారు. అల్లు అర్జున్ పాత్ర రెండు షేడ్స్ లో ఉంటుందని ఇప్పటికే ఓ టాక్ ఉంది. ఇది అయ్యాక బన్నీ వేణు శ్రీరామ్ తీయబోయే ఐకాన్ లో జాయిన్ అవుతాడు