మొదటిసారి విలన్ గా మిల్కీ బ్యూటీ!

మిల్కీ బ్యూటీ తమన్నా కెరీర్ స్లో అయిందని.. ఇక చివరి దశకు వచ్చేసిందని అనుకునేవారికి కొత్త ప్రాజెక్టులను లైన్లో పెడుతూ తమన్నా సర్ ప్రైజ్ ఇస్తోంది.  ఈ ఏడాది ఆరంభంలోనే 'F2' బ్లాక్ బస్టర్ కావడంతో ఫుల్ జోష్ మీద ఉన్న తమన్నా ప్రస్తుతం 'దేవీ-2'.. 'దటీజ్ మహాలక్ష్మి' సినిమాలలో నటిస్తోంది.  మెగాస్టార్ చిరంజీవి 'సైరా' లోనూ ఒక కీలక పాత్ర చేస్తోంది.  ఇవి కాకుండా రీసెంట్ గా విశాల్ కొత్త సినిమాలో నటించే ఆఫర్ వచ్చిందట.

ఇదేమీ సాధారణ హీరోయిన్ పాత్ర కాదట.. ఈ సినిమాలో తమన్నా విలన్ పాత్రలో నటిస్తోందని సమాచారం. విలన్ గా నటిస్తూ హీరో విశాల్ కు దీటుగా ఎత్తుకు పై ఎత్తులు వేస్తూ మైండ్ గేమ్ ఆడే పాత్రలో కనిపిస్తుందట. తమన్నా ఇప్పటివరకూ చాలా సినిమాలే చేసినా ఇలా విలన్ పాత్రలో నటించడం మాత్రం మొదటిసారి.   ఇప్పుడు తమన్నా విలన్ రోల్ చేయడం అనేది కోలీవుడ్ లో హాట్ టాపిక్ గా మారింది.  దీనికో ప్రత్యేకమైన కారణం ఉంది.   విశాల్ సినిమాల్లో కనుక లేడీ విలన్ ఉంటే ఆ సినిమా సూపర్ హిట్ అవుతోంది.   'పొగరు'లో శ్రియా రెడ్డి - 'పందెంకోడి 2' సినిమాలో వరలక్ష్మి శరత్ కుమార్.. 'డిటెక్టివ్' చిత్రంలో ఆండ్రియా.. నెగెటివ్ పాత్రల్లో నటించగా అవి సూపర్ హిట్ అయ్యాయి.  దీంతో విశాల్ కొత్త సినిమాపై కూడా ఆసక్తి వ్యక్తమవుతోంది.

ఇదిలా ఉంటే విశాల్ తో నటించడం ఇది తమన్నాకు మూడో సారి. త్వరలో ఈ సినిమాకు సంబంధించిన ఇతర వివరాలు వెల్లడవుతాయి.  ఒకవేళ తమన్నా విలన్ గా మెప్పిస్తే మరిన్ని ఛాలెంజింగ్ పాత్రలు తనను వెతుక్కుంటూ రావడం ఖాయమే.