దగ్గుబాటి హీరోతో పెళ్లిచూపులు కుర్రాడు?

ఒక స్టార్ ప్రొడ్యూసర్ ని కేవలం ఒక హిట్ సినిమాతో మెప్పించడం అంత సులభం కాదు. కానీ సురేష్ బాబు లాంటి ఒక చాలా పెద్ద నిర్మాతని పెళ్లి చూపులు లాంటి చిన్న సినిమాతో మెప్పించగలిగిన ఘనత తరుణ్ భాస్కర్ దే. కారణం ఆ సినిమాలో ఉన్న కంటెంట్. పెళ్లి చూపులు భారీ సక్సెస్ చూసి సురేష్ బాబు మరొక మూడు సినిమాలు తన ప్రొడక్షన్ లో చేయమని కోరగా తరుణ్ వెంటనే ఒప్పేసుకున్నాడు.

అలా డీల్ కుదిరాక చేసిన మొదటి సినిమా ఈ నగరానికి ఏమైంది త్వరలో విడుదల కాబోతోంది. ఆ సినిమా ఔట్పుట్ కూడా సురేష్ కు బాగా నచ్చేసిందట. ఇండస్ట్రీ లో వినిపిస్తున్న మాటల ప్రకారం తరుణ్ ఇప్పుడు రానాతో సినిమా చేయడానికి స్క్రిప్ట్ తయారు చేస్తున్నాడట. అనుకున్నట్టుగానే ఈ సినిమా కూడా సురేష్ బాబు నిర్మించనున్నాడు.

ఇంతకు ముందు కూడా సురేష్ బాబు రెండవ కుమారుడు అభినవ్ తో ఒక సినిమా చేయడానికి సన్నాహాలు చేశాడు కాని కుదరలేదు. ఇప్పుడు మాత్రం రానా చేతిలో ఉన్న సినిమాలు అన్ని పూర్తిచేసేదాకా అయినా ఏదురు చూడాలని అనుకుంటున్నాడు. సురేష్ బాబు మాత్రం ఏ హీరోతో చేసినా తాను నిర్మించడానికి రెడీ అని చెప్తున్నారట. మరి చూద్దాం ఈ సినిమా ఎవరితో పట్టాలెక్కుతుందో.