రాజకీయ నేపథ్యం నుంచి వచ్చి.. సినిమాల్ని కెరీర్‌గా మార్చుకున్న కథానాయకుడు నారా రోహిత్‌. ప్రస్తుతానికి అతడి దృష్టంతా సినిమాల మీదే ఉన్నప్పటికీ.. అప్పుడప్పుడు తెలుగుదేశం పార్టీకి ఉపయోగపడే కార్యక్రమాలు కూడా చేస్తుంటాడు. గత ఏడాది ఎన్నికల సమయంలో కొన్ని చోట్ల ప్రచారం కూడా చేసి.. పెదనాన్నకు తనవంతు తోడ్పాటునందించాడు రోహిత్‌. తాజాగా ఆయన అమెరికా పర్యటనలోనూ ఎన్నారై తెలుగుదేశం నాయకుల్ని కలిసి వారితో కలిసి ఉత్సాహంగా కార్యక్రమాల్లో పాల్గన్నాడు. ఈ సందర్భంగా ఎన్నారై టీడీపీ రోహిత్‌ను సన్మానించింది.
కాలిఫోర్నియాలో జరిగిన ఈ కార్యక్రమంలో మాట్లాడిన రోహిత్‌.. తెలుగు ప్రజల కోసం ఎన్నారైలు చేస్తున్న సేవలు మరువలేనివని పేర్కొన్నాడు. తెలుగుదేశం పార్టీ ఆంధ్రప్రదేశ్‌లో అధికారంలోకి రావడానికి ఎన్నారై టీడీపీ విభాగం ఎంతో కృషి చేసిందని రోహిత్‌ పేర్కొన్నాడు. నూతన రాజధాని నిర్మాణానికి సంబంధించి ఎన్నారైల సూచనల్ని ముఖ్యమంత్రి చంద్రబాబు తప్పకుండా పరిగణనలోకి తీసుకుంటారని రోహిత్‌ చెప్పాడు. ఈ కార్యక్రమంలో తానా మాజీ అధ్యక్షుడు కోమటి జయరాంతో పాటు కొమ్మినేని శ్రీనివాసరావు, అశోక్‌ దాచర్ల, కొడాలి నవీన్‌, హేమారావు తదితరులు పాల్గన్నారు.
కాలిఫోర్నియాలో జరిగిన ఈ కార్యక్రమంలో మాట్లాడిన రోహిత్‌.. తెలుగు ప్రజల కోసం ఎన్నారైలు చేస్తున్న సేవలు మరువలేనివని పేర్కొన్నాడు. తెలుగుదేశం పార్టీ ఆంధ్రప్రదేశ్‌లో అధికారంలోకి రావడానికి ఎన్నారై టీడీపీ విభాగం ఎంతో కృషి చేసిందని రోహిత్‌ పేర్కొన్నాడు. నూతన రాజధాని నిర్మాణానికి సంబంధించి ఎన్నారైల సూచనల్ని ముఖ్యమంత్రి చంద్రబాబు తప్పకుండా పరిగణనలోకి తీసుకుంటారని రోహిత్‌ చెప్పాడు. ఈ కార్యక్రమంలో తానా మాజీ అధ్యక్షుడు కోమటి జయరాంతో పాటు కొమ్మినేని శ్రీనివాసరావు, అశోక్‌ దాచర్ల, కొడాలి నవీన్‌, హేమారావు తదితరులు పాల్గన్నారు.