యారి 'బిగ్‌ బాస్‌' గా మారబోతున్నాడా?

తెలుగు బిగ్ బాస్ సీజన్‌ 5 ఏర్పాట్లు ముమ్మరంగా సాగుతున్నాయి. మొదటి సీజన్ కు ఎన్టీఆర్‌ హోస్ట్‌ గా వ్యవహరించగా రెండవ సీజన్ కు నాని ఆ తర్వాత మూడు నాలుగవ సీజన్‌ లకు నాగార్జున హోస్టింగ్‌ చేశారు. సీజన్ 5 కు కూడా నాగార్జున హోస్టింగ్‌ చేసే అవకాశం ఉందని అంతా భావించారు. కాని తాజాగా మీడియాలో మాత్రం సీజన్ 5 హోస్ట్‌ మారబోతున్నాడు అంటున్నారు. సీజన్‌ 5 కు గాను నెం.1 యారి హోస్ట్‌ రానా దగ్గుబాటి హోస్టింగ్‌ చేయబోతున్నట్లుగా టాక్ వినిపిస్తుంది. కొన్ని కారణాల వల్ల నాగార్జున ఈ సీజన్ కు హోస్టింగ్‌ చేయలేనంటూ తేల్చి చెప్పాడట. దాంతో రానాను సంప్రదించారట.

నెం.1 యారి పలు సీజన్ లను చేసి సక్సెస్‌ ఫుల్‌ హోస్ట్‌ గా పేరు దక్కించుకున్న రానా బిగ్‌ బాస్‌ కు ఖచ్చితంగా హోస్ట్‌ గా న్యాయం చేస్తాడని అంతా నమ్మకంగా ఉన్నారు. బిగ్ బాస్ హోస్ట్‌ కు గట్టి గా మాట్లాడటంతో పాటు.. తప్పు చేస్తే ఖండించి అవతలి వారికి చురకలు అంటించే దమ్ము ఉండాలి. నాగార్జున ఆ విషయంలో సక్సెస్‌ అయ్యాడు. ఆయనే కంటిన్యూగా ఉండాలని అభిమానులు అనుకున్నారు. కాని రానా వద్దకు ఆ ఆఫర్‌ వచ్చిందట.

స్టార్‌ మా లో సెప్టెంబర్‌ లో బిగ్‌ బాస్ సీజన్ 5 మొదలు అవ్వబోతుందని చెబుతున్న ఈ సీజన్‌ కు గాను కంటెస్టెంట్స్‌ ఎంపిక విషయం కూడా జరుగుతోంది. హోస్ట్‌ మరియు కంటెస్టెంట్స్ విషయంలో ఆగస్టులో మరింత స్పష్టత వచ్చే అవకాశం ఉంది. గత సీజన్ కంటే ఈ సీజన్‌ ను మరింత విభిన్నంగా ఆకట్టుకునే విధంగా రూపొందించేందుకు ప్రయత్నాలు చేస్తున్నారు. ఈ సీజన్ కు జెమిని టీవీలో టెలికాస్ట్‌ కాబోతున్న ఎవరు మీలో కోటీశ్వరులు గట్టి పోటీ ఇచ్చే అవకాశం ఉంది. కనుక అందుకు తగ్గట్లుగానే ఏర్పాట్లు చేస్తున్నారు.