సినీ ఇండస్ట్రీ లో క్రేజీ కాంబినేషన్ లలో విజయ్ - మురగదాస్ కాంబో గురించి ప్రత్యేకంగా చెప్పుకోవాలి. దేశ వ్యాప్తంగా ఫ్యాన్ ఫాలోయింగ్ ఉన్న హీరోలలో తమిళ నటుడు విజయ్ ఒకరు. డబ్బింగ్ సినిమాల ద్వారా తెలుగులో కూడా మంచి మార్కెట్ క్రియేట్ చేసుకున్న అతికొద్ది పరభాషా నటులలో విజయ్ కూడా ఉంటాడని చెప్పొచ్చు. మరోవైపు ఇండియాలో చెప్పుకోదగ్గ దర్శకులలో ఎఆర్ మురుగదాస్ ఒకరు. సౌత్ లోనే కాకుండా అటు నార్త్ లో కూడా ఇమేజ్ ఏర్పరుచుకున్నారు. వీరిద్దరి కలయికలో ఇప్పటి దాకా రూపుదిద్దుకున్న మూడు సినిమాలు బాక్సాఫీస్ వద్ద బ్లాక్ బస్టర్స్ గా నిలిచాయి. వీరి కాంబోలో వచ్చిన 'తుపాకి' 'కత్తి' 'సర్కార్' సినిమాలు తమిళ్ తోపాటు తెలుగులో కూడా ఘన విజయం సాధించిన సంగతి తెలిసిందే.
అయితే ఇప్పుడు 'దళపతి' విజయ్ మురగదాస్ లు మళ్ళీ కలవబోతున్నారు. 2012 లో విడుదలైన బ్లాక్ బస్టర్ సాధించిన 'తుపాకి' సీక్వెల్ అని తెలుస్తోంది. ఇప్పటికే విజయ్ మురగదాస్ చెప్పిన సీక్వెల్ స్టోరీకి గ్రీన్ సిగ్నల్ ఇచ్చాడని సమాచారం. విజయ్ - మురుగుదాస్ కాంబినేషన్ లో వస్తున్న ఈ ప్రాజెక్ట్ పై సినీ వర్గాల్లో భారీగా అంచనాలు నెలకొన్నాయి. ఐతే స్లీపర్ సెల్స్ పై 'తుపాకీ'తో టార్గెట్ చేసిన మురుగదాస్ ఇప్పుడు ఎలాంటి పాయింట్ ని ఎంచుకున్నాడో చూడాలి. సన్ పిక్చర్స్ బ్యానర్ లో ఈ సినిమా పట్టాలెక్కనున్నట్లు కోలీవుడ్ లో వార్త వినిపిస్తుంది. అంతే కాకుండా 'తుపాకి'లో హీరోయిన్ గా నటించిన కాజల్ అగర్వాల్ ఈ సీక్వెల్ లో కూడా కొనసాగే అవకాశం ఉంది. పాన్ ఇండియా మూవీగా తెరకెక్కనున్న ఈ చిత్రం అన్ని బాషలలో ఒకేసారి విడుదల కానున్నదని సమాచారం. ఈ వార్తలకు సంభందించిన పూర్తి వివరాలు తెలియాలంటే అధికారిక ప్రకటన వచ్చే వరకు ఆగాల్సిందే. విజయ్ - మురగదాస్ లు మళ్ళీ జోడీ కడుతున్నారన్న వార్త విని విజయ్ ఫ్యాన్స్ ఖుషీగా ఉన్నారు. ఈ సినిమా పట్టాలెక్కితే వీరిద్దరి కలయికలో మరో బ్లాక్ బస్టర్ పడినట్లే అని అభిమానులు ఆశాభావం వ్యక్తం చేస్తున్నారు. లాక్ డౌన్ ఎత్తేసిన తర్వాత 'తుపాకీ 2'కి సంబంధించిన అఫిసియల్ అనౌన్స్మెంట్ రావొచ్చు.
అయితే ఇప్పుడు 'దళపతి' విజయ్ మురగదాస్ లు మళ్ళీ కలవబోతున్నారు. 2012 లో విడుదలైన బ్లాక్ బస్టర్ సాధించిన 'తుపాకి' సీక్వెల్ అని తెలుస్తోంది. ఇప్పటికే విజయ్ మురగదాస్ చెప్పిన సీక్వెల్ స్టోరీకి గ్రీన్ సిగ్నల్ ఇచ్చాడని సమాచారం. విజయ్ - మురుగుదాస్ కాంబినేషన్ లో వస్తున్న ఈ ప్రాజెక్ట్ పై సినీ వర్గాల్లో భారీగా అంచనాలు నెలకొన్నాయి. ఐతే స్లీపర్ సెల్స్ పై 'తుపాకీ'తో టార్గెట్ చేసిన మురుగదాస్ ఇప్పుడు ఎలాంటి పాయింట్ ని ఎంచుకున్నాడో చూడాలి. సన్ పిక్చర్స్ బ్యానర్ లో ఈ సినిమా పట్టాలెక్కనున్నట్లు కోలీవుడ్ లో వార్త వినిపిస్తుంది. అంతే కాకుండా 'తుపాకి'లో హీరోయిన్ గా నటించిన కాజల్ అగర్వాల్ ఈ సీక్వెల్ లో కూడా కొనసాగే అవకాశం ఉంది. పాన్ ఇండియా మూవీగా తెరకెక్కనున్న ఈ చిత్రం అన్ని బాషలలో ఒకేసారి విడుదల కానున్నదని సమాచారం. ఈ వార్తలకు సంభందించిన పూర్తి వివరాలు తెలియాలంటే అధికారిక ప్రకటన వచ్చే వరకు ఆగాల్సిందే. విజయ్ - మురగదాస్ లు మళ్ళీ జోడీ కడుతున్నారన్న వార్త విని విజయ్ ఫ్యాన్స్ ఖుషీగా ఉన్నారు. ఈ సినిమా పట్టాలెక్కితే వీరిద్దరి కలయికలో మరో బ్లాక్ బస్టర్ పడినట్లే అని అభిమానులు ఆశాభావం వ్యక్తం చేస్తున్నారు. లాక్ డౌన్ ఎత్తేసిన తర్వాత 'తుపాకీ 2'కి సంబంధించిన అఫిసియల్ అనౌన్స్మెంట్ రావొచ్చు.