సాయిధ‌ర‌మ్ తేజ్ ఆవిష్క‌రించిన 'థ్యాంక్ యు బ్ర‌ద‌ర్' క్యాస్ట్ రివీల్ పోస్ట‌ర్..!

అన‌సూయ భ‌ర‌ద్వాజ్‌ - అశ్విన్ విరాజ్‌ ప్రధాన పాత్రల్లో నటించిన తాజా చిత్రం 'థ్యాంక్ యు బ్ర‌ద‌ర్'. నూత‌న దర్శకుడు ర‌మేష్ రాప‌ర్తి ఈ చిత్రాన్ని రూపొందిస్తున్నారు. ఇటీవలే రానా ద‌గ్గుబాటి ఆవిష్క‌రించిన టైటిల్ పోస్ట‌ర్‌ కు మంచి స్పంద‌న వచ్చింది. ఈ క్రమంలో 'థ్యాంక్ యు బ్ర‌ద‌ర్' టీమ్ ఇప్పుడు క్యాస్ట్ రివీల్ పోస్ట‌ర్‌ తో ముందుకొచ్చింది. ఈ పోస్ట‌ర్‌ ను టాలీవుడ్ యంగ్ హీరో సాయిధ‌ర‌మ్ తేజ్ ఆవిష్క‌రించారు. ఈ పోస్ట‌ర్‌ లో ఒక లిఫ్ట్‌ లో ప్ర‌ధాన పాత్ర‌ధారి అన‌సూయ భ‌ర‌ద్వాజ్ ప్రెగ్నెంట్ లుక్‌ లో చేతిలో ఫేస్ మాస్క్ ప‌ట్టుకొని కోపంగా చూస్తున్న‌ట్లు క‌నిపిస్తుంటే.. ఆమె వెన‌కే మ‌రో పాత్ర‌ధారి అశ్విన్ విరాజ్ సీరియ‌స్ లుక్‌ లో నిల‌బ‌డి క‌నిపిస్తున్నారు. ఒక‌రి వెనుక ఒక‌రు నిల్చొని ప‌ర‌స్ప‌రం చూసుకుంటున్న తీరు చూస్తుంటే, ఆ ఇద్ద‌రి మ‌ధ్య ఏదో గొడ‌వ ఉన్న‌ట్లు అనిపిస్తోంది.

'థ్యాంక్ యు బ్ర‌ద‌ర్' టైటిల్ పోస్ట‌ర్ రివీల్ అయిన‌ప్ప‌టుడు సినిమా క‌థ‌కూ, లిఫ్ట్‌ కూ ఏదో సంబంధం ఉంద‌నే విష‌యం అర్థం అయ్యింది. ఇప్పుడు ఆ లిఫ్ట్‌ లో అన‌సూయ‌ - విరాజ్ ఎడ‌ముఖం, పెడ‌ముఖం పెట్టుకొని నిల్చొని క‌నిపించ‌డంతో సినిమా కంటెంట్‌ పై మ‌రింత ఆస‌క్తి పెరిగింది. ఉత్కంఠ‌భ‌రిత అంశాల‌తో ఒక డ్రామా ఫిల్మ్‌ గా ఈ చిత్రాన్ని రూపొందిస్తున్నారు. జ‌స్ట్ ఆర్డిన‌రీ ఎంట‌ర్‌టైన్‌మెంట్స్ ప‌తాకంపై మాగుంట శ‌ర‌త్ చంద్రారెడ్డి - తారక్‌ నాథ్ బొమ్మిరెడ్డి సంయుక్తంగా నిర్మిస్తోన్న ఈ చిత్రం కంటెంట్‌ ను బ‌ట్టి చూస్తుంటే అసాధార‌ణ చిత్రంగా అనిపిస్తోంది.

ఈ చిత్రానికి సురేష్ ర‌గుతు సినిమాటోగ్రాఫ‌ర్‌ గా ప‌నిచేస్తుండ‌గా.. గుణ బాల‌సుబ్ర‌మ‌ణియ‌న్ బ్యాగ్రౌండ్ స్కోర్ అందిస్తున్నారు. ఇప్పటికే షూటింగ్ పూర్త‌యిన 'థ్యాంక్ యు బ‌ద్ర‌ర్' చిత్రానికి సంబంధించి ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. ఈ చిత్రంలో వైవా హ‌ర్ష‌ - అర్చ‌నా అనంత్‌ - అనీష్ కురువిల్లా - మౌనికా రెడ్డి - ఆద‌ర్శ్ బాల‌కృష్ణ‌ - కాదంబ‌రి కిర‌ణ్‌ - అన్న‌పూర్ణ‌ - బాబీ రాఘ‌వేంద్ర‌ - స‌మీర్‌ ఇతర ప్రధాన పాత్రలు పోషిస్తున్నారు.