రానా ద‌గ్గుబాటి చేతుల మీదుగా 'థ్యాంక్ యూ బ్ర‌ద‌ర్' టైటిల్ పోస్ట‌ర్‌ రిలీజ్..!

క‌రోనా మహమ్మారి కాలానికి సంబంధించిన కాల్ప‌నిక ఘ‌ట‌న‌ల‌ను ఆధారం చేసుకొని క్రియేటివ్ డైరెక్టర్ ర‌మేష్ రాప‌ర్తి 'థ్యాంక్ యూ బ్ర‌ద‌ర్' అనే చిత్రాన్ని రూపొందిస్తున్నారు. ఇందులో అన‌సూయ భ‌ర‌ద్వాజ్ ఈ చిత్రంలో లీడ్ రోల్ చేస్తుండ‌గా.. అశ్విన్ విరాజ్ ఓ కీల‌క పాత్ర పోషిస్తున్నాడు. తాజాగా ఈ చిత్ర టైటిల్ పోస్ట‌ర్‌ ను హీరో రానా ద‌గ్గుబాటి లాంచ్ చేశారు. ఈ పోస్ట‌ర్‌ లో ఓ లిఫ్ట్‌, దాని ఎదురుగా ఫ్లోర్ మీద ప‌డి ఉన్న మాస్క్ క‌నిపిస్తున్నాయి. ఎలివేట‌ర్(లిఫ్ట్‌)కు క‌థ‌లో కీల‌క పాత్ర ఉంద‌నే అభిప్రాయాన్ని పోస్ట‌ర్ క‌లిగిస్తోంది. టైటిల్ పోస్ట‌ర్ తోనే ఈ సినిమాపై ఆసక్తిని రేకెత్తించారు. ఇప్పటికే రానా త‌న ట్విట్ట‌ర్ హ్యాండిల్ ద్వారా షేర్ చేసిన వీడియోలో యూనిట్ మెంబ‌ర్స్‌ ను ఒక్కొక్క‌రిని మాస్క్ పెట్టుకోమ‌ని అడిగి, వారు మాస్క్ పెట్టుకోగానే థ్యాంక్ యు బ్ర‌ద‌ర్ అని చెప్ప‌డం క‌రోనా కాలంలో మాస్క్ ప్రాధాన్యాన్ని ఇందులో చెప్తున్న‌ట్లే క‌నిపిస్తోంది.

ఉత్కంఠ‌భ‌రిత క‌థ‌నంతో న‌డిచే ఒరిజిన‌ల్ కాన్సెప్టుల‌తో రూపొందే చిత్రాల‌ను తెలుగు ప్రేక్ష‌కులు ఎప్పుడూ ప్రోత్స‌హిస్తూనే ఉన్నారు. ఇప్పుడు 'థ్యాంక్ యు బ్ర‌ద‌ర్' సినిమా కూడా థ్రిల్లింగ్ ఎలిమెంట్స్‌ తో త‌యార‌వుతోంది. జ‌స్ట్ ఆర్డిన‌రీ ఎంట‌ర్‌టైన్‌మెంట్స్ బ్యాన‌ర్‌ పై మాగుంట శ‌ర‌త్‌చంద్రా రెడ్డి - తార‌క్‌నాథ్ బొమ్మిరిడ్డి సంయుక్తంగా ఈ చిత్రాన్ని నిర్మిస్తున్నారు. సురేష్ ర‌గుతు సినిమాటోగ్రాఫ‌ర్‌ గా ప‌నిచేస్తుండ‌గా.. గుణ బాల‌సుబ్ర‌మ‌ణియ‌న్ బ్యాగ్రౌండ్ స్కోర్ అందిస్తున్నారు. ఇప్పటికే షూటింగ్ పూర్త‌యిన 'థ్యాంక్ యు బ‌ద్ర‌ర్' చిత్రానికి సంబంధించి ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. త్వ‌ర‌లో ఫ‌స్ట్ లుక్‌ ను విడుద‌ల చేయ‌నున్నారు. ఈ చిత్రంలో వైవా హ‌ర్ష‌ - అర్చ‌నా అనంత్‌ - అనీష్ కురువిల్లా - మౌనికా రెడ్డి - ఆద‌ర్శ్ బాల‌కృష్ణ‌ - కాదంబ‌రి కిర‌ణ్‌ - అన్న‌పూర్ణ‌ - బాబీ రాఘ‌వేంద్ర‌ - స‌మీర్‌ ఇతర ప్రధాన పాత్రలు పోషిస్తున్నారు.