అల్లు అరవింద్ - నమ్రత మీటింగ్ జరిగింది కానీ..

ఎనిమిది నెలల నుండి సాగుతున్న మహేష్ - సుకుమార్ ప్రాజెక్ట్ వార్తలకు.. ప్రిపరేషన్లకు సూపర్ స్టార్ మహేష్ బాబు జస్ట్ రెండు ట్వీట్లతో తెరదించేశాడు.  ఈ ఎపిసోడ్ ఇప్పుడు టాలీవుడ్ లో ఒక పెద్ద హాట్ టాపిక్ గా మారింది.  ఈ ఎపిసోడ్ పై ఊహాగానాలు.. ఎన్నో రకాల ప్రచారాలు సాగుతున్నాయి. ఏది నిజమో.. ఏది కాదో తెలుసుకోవడం కష్టంగానే ఉంది.  మహేష్ ట్వీట్ షాక్ ఇవ్వడానికి ముందుగా అల్లు అరవింద్ - నమ్రతల మీటింగ్ జరిగిందని.. ఆ మీటింగ్ లో సుకుమార్ ప్రాజెక్టు గురించి చర్చ సాగిందనేది ఒక వెర్షన్.

ఈ విషయాన్ని గీతా ఆర్ట్స్ టీమ్ వారు ఖండించారు. అల్లు అరవింద్ - నమ్రత మీటింగ్ జరగడం నిజమేనని.. కాకపోతే సుకుమార్ ప్రాజెక్ట్ గురించి చర్చ జరగలేదని అంటున్నారు. మహేష్ బాబు హీరోగా గీతా ఆర్ట్స్ లో ఒక సినిమా నిర్మించే విషయంపై చర్చ సాగిందని వారు క్లారిటీ ఇస్తున్నారు. గీతా ఆర్ట్స్ టీమ్ వారు క్లారిటీ ఇచ్చినా ప్రస్తుతం ఉన్న పరిస్థితిలో ఇలాంటివేవీ నమ్మశక్యంగా అనిపించడంలేదని కొందరు ఇండస్ట్రీ ఇన్సైడర్స్ కామెంట్ చేస్తున్నారు.

ఏదేమైనా సుకుమార్ తో మహేష్ చేయాల్సిన సినిమా బన్నీ దగ్గరకు వెళ్ళిందనేది మాత్రం వాస్తవం.  కాకపోతే ఆ సినిమా ఎప్పుడు పట్టాలెక్కుతుందనే విషయంపై మాత్రం క్లారిటీ రావలిసి ఉంది.  ఎందుకంటే సుకుమార్ కంటే ముందుగా త్రివిక్రమ్ డైరెక్షన్ లో బన్నీ సినిమా చేయాల్సి ఉంది.  మరి రెండూ సినిమాలు ప్యారలల్ గా చేస్తాడా లేదా త్రివిక్రమ్ సినిమా పూర్తయిన తర్వాత సుక్కు కు డేట్స్ ఇస్తాడా అనే విషయాలపై త్వరలోనే క్లారిటీ వచ్చే అవకాశం ఉంది.