మెల్లగా గురువారానికి అలవాటు చేస్తున్నారా?

శుక్రవారం వచ్చిందంటే సినిమాల సందడితో సినీ ప్రియులకు పండుగ వచ్చినట్లే. వీకెండ్ కల్చర్ ఫ్రై డే నుంచి స్టార్ట్ అవుతుంది గాబట్టి పెద్ద సినిమాలకు ఎలానో హౌస్ ఫుల్ బోర్డు లు పడతాయి గాబట్టి తరువాత వచ్చేవి ఎలానో శని ఆదివారాలే కాబట్టి చాలా సినిమాలు దాదాపు శుక్రవారం విడుదలకు సిద్ధపడతాయి.

పండుగల మినహా ఇతర సందర్భాలలో శుక్రవారాన్ని మాత్రమే టార్గెట్ చేసిన సినిమా ఫీల్డ్ ఈమధ్య తమ చిత్రాన్ని గురువారమే మనముందుకు తెచ్చే ప్రయత్నాలు చేస్తున్నాయి. మొన్న రవితేజ బెంగాల్ టైగర్ గురువారం విడుదలైతే నేడు వరుణ్ లోఫర్ కూడా గురువారం విడుదలకు సిద్ధపడుతుంది. నిజానికి ఈ సినిమాలు గురువారమే విడుదల కావాల్సినందుకు ప్రత్యేకమైన రీజన్ లేదు.

అయితే ఇప్పుడు సినిమా అంతా తొలి వీకెండ్ కలెక్షన్ల పైనే ఆధారపడివుంటుంది కాబట్టి తమ రిలీజ్ ని ఒక రోజు ముందుకు వేసుకుంటున్నాయి పెద్ద సినిమాలు. ఈ ప్రయోగం విజయవంతమైతే మున్ముందు గురువారం రిలీజ్ లు కామన్ అవ్వచ్చేమో..